سعد الصغير لـ القاهرة 24: متجوزتش رسمي غير من أم عيالي.. وبتشتم بسبب واحدة سكرانة
كشف الفنان سعد الصغير تفاصيل أزمته الأخيرة مع الراقصة برلنتي عامر، والتي أثارت جدلا واسعا على مواقع التواصل الاجتماعي، مؤكدًا أنها ليست زوجته أو طليقته ولا تربطهما أي علاقة.
وقال سعد الصغير خلال لقائه مع الزميلة منى عقبي، على القاهرة 24: برلنتي كل ما تعمل مشكلة تقول أنا زوجة سعد الصغير مع إن مفيش حاجة بيني وبينها وهي ولا حبيبتي ولا مراتي ولا طليقتي؛ لأني متزوجتش رسمي غير من أم عيالي، والناس بتقول أني توسط لها عشان تطلع من قضيتها ودا مش حقيقي؛ لأن القانون بيمشي على الكل وهي اتحبست 4 أيام وطلعت بـ كفالة 10 آلاف جنيه لأنها اتمسكت بـ حشيش وكحول.
وواصل سعد الصغير: إزاي الناس بتقول إني خرجتها بالواسطة مع إني شخصيا دخلت الحبس؟ وأنا حياتي باظت بقت كلها مشاكل بقالي سنتين بسببها ومش عايز أعرفها تاني، وأتظلمت وبقيت اتشتم 24 ساعة عشان واحدة اتمسكت بـ حشيش وبيرة وسكرانة، طب أنا مالي؟ ومراتي أم عيالي بقالها قرن بتتشتم بدون داعي وبرلنتي بتبعت لها فيديوهات تشتمها ودا جزء بسيط من اللي مراتي شافته.
أزمة سعد الصغير وبرلنتي عامر
ومن ناحية أخرى، أثارت أزمة سعد الصغير وبرلنتي عامر جدلا واسعا على مواقع التواصل الاجتماعي، وبدأ الأمر بعدما تفاجأ الجمهور بـ حدوث مطاردات بالسيارات بينهما في منطقة حدائق الأهرام، واتهامات متبادلة بالسرقة والتعدي بالإيادي، ولكن أكد سعد الصغير في التحقيقات أن برلنتي ووالدتها استولوا على ظرف به أموال من سيارته، وبالتالي اضطر لملاحقتهما وحاولت برلنتي أن تفر هاربة ولكن سيارتها تهشمت بشكل كبير.
