سعد الصغير لـ القاهرة 24: والدة برلنتي عامر سرقت مني 75 ألف جنيه
كشف الفنان سعد الصغير تفاصيل ملاحقته لـ الراقصة برلنتي عامر في منطقة حدائق الأهرام منذ عدة أيام، مؤكدًا أن والدة برلنتي سرقت منه 75 ألف جنيه دون أي يشعر من سيارته.
وقال سعد الصغير خلال لقائه مع الزميلة منى عقبي على القاهرة 24: كنا قاعدين في عربيتي ولقيت والدة برلنتي عامر بتدور على حاجة بقالها 5 دقايق، وقالتلي أنا بجيب حاجة لـ بنتي، واكتشفت إنها سرقت 75 ألف جنيه مني، وعمري ما توقعت إنها تعمل كدا لأنها ست كبيرة ومحترمة وبتصلي، وطبعًا جريت وراهم على الطريق لأنهم حاولوا يهربوا.
تصريحات سعد الصغير
وواصل سعد الصغير: وعملت لهم محضر وبرلنتي كانت هتبوس إيدي عشان أتنازل وإلا والدتها هتتحبس وقالت لي إحبسني أنا بس بلاش والدتي ودا مكنش هينفع لأن لازم الاتنين يتحبسوا ولكن في الآخر تنازلت لأني مش عايز أعرفهم تاني، وبعد كل دا فوجئت إنهم بيشتموني وبيقولوا إني تعديت عليهم، وأنا تعبت بقالي سنتين في مشاكل وبتشتم بسبب برلنتي ومراتي بتتشتم واتظلمنا.
ومن ناحية أخرى، اتهمت برلنتي عامر، سعد الصغير بالتعدي عليها وسرقتها وقالت في تصريحات تلفزيونية سابقة، إنها كانت معه قبل الحادث في منطقة حدائق الأهرام، ولم يكن هناك أي خلاف بينهما، وعلقت قائلة: كنا مع بعض كويسين واختلفنا وإحنا في الطريق وهو بيوصلني لـ بيتي، والأمر تطور وضربني وجابني من شعري في الشارع وجريت بعربيتي ولكنه جري ورايا وضربنا بالطوب وأختي اتصابت.
