أحمد موسى: الإعلام المصري تم الهجوم عليه.. وهنفضل مع بلدنا معندناش جنسية تانية
قال الإعلامي أحمد موسى، إن الإعلام المصري، كان وسيظل داعما لبلده والدولة المصرية، مشيرا إلى أنه رغم الأعداء والطابور الخامس مصر باقية.
مصر أولا وأخيرا
أضاف خلال برنامج على مسئوليتي، المذاع على قناة صدى البلد: مصر أولا وأخيرا.. مفيش حاجة تانية غير مصر وشعبنا.. وبقول لأي حد زعلان إن إحنا بنساند بلدنا إنتوا زعلانين ليه.. اشربوا من البحر لو مش كفاية اشربوا من البحر المتوسط.. هنفضل مع بلدنا معندناش جنسية تانية وده دورنا وهيفضل دورنا.. وقت الإخوان لم نهرب وفضلنا واقفين رغم التحريض علينا.. دي بلدنا ومش هينفع نهرب ونروح بلد تانية وهنموت وهنفضل هنا ودي رسالتنا لشعبنا العظيم.
وأكد أن الإعلام المصري تم الهجوم عليه من قنوات الإخوان، مشددا على أن هناك أشخاصا كانوا يستخدمون هذه القنوات للهجوم على القوات المسلحة المصرية ليل ونهار واستهداف القوات المسلحة والشرطة، قائلا: مش هنسيب البلد ونتخلى عنها ومش هنعمل كده.. الحرب على البلد من بره وجوه.. كانوا بيراهنوا على كده.
وأوضح أن برنامج على مسئوليتي على قناة صدى البلد، الأكثر مشاهدة في أعوام 2020 و2021 و2022، في مصر والوطن العربي، قائلا: كانوا بيقولوا إن أحمد موسى هيمشي بعد شهرين كل سنة كان يقال ده.. لكن البرنامج كان الأكثر مشاهدة في العام.
