فيفي عبده ردًا على ياسمين عز: صوتي خامته شتوي ونحنوحة زيك
ردت الفنانة فيفي عبده، على سؤال الإعلامية ياسمين عز، حول خامة صوتها ومستوى الصوت الذي تستخدمه فيفي عبده أثناء حديثها مع زوجها.
وقالت فيفي عبده، خلال حوارها في برنامج كلام الناس، ردًا على ياسمين عز: أنا خامة صوتي شتوي ونحنوحة زيك، أنا بتكلم مع الجمهور بقول لهم 5 مواه، لأن الست ست، وكل واحدة ليها طريقة، عاوزة أنصح الستات من خلالك أن الست لازم تكون كده، لازم الراجل يكون هو الخشن والشعر والشنب وإنتي الضعف، في أي مرحلة لو نار مولعة تهدى.
وأكدت فيفي عبده، أنها تطل على جمهورها بموقع انستجرام، بطبيعتها، معلقة على ظهورها دون مكياج قائلة: بطلع على انستجرام بطبيعتي، مش لازم مكياج، لأن الثقة بالنفس شيء مهم، الست المهزوزة مش حلوة، أنا لما طلعت مع رامز جلال وملبسني الطاسة، طلعت الطاسة بحواجبي قالوا ده عبده فين فيفي وبقيت أطلع للناس من غير حواجب؟.
وأضافت: مش بعمل تاتو جسمي مش بيستحمل خالص، وعاوزة أعمل ميكروبلدج بس خايفة، أنتم بتذلوني ان مفيش حواجب طيب هشيلها خالص، مهما تقولي عني الناس هيفضلوا يحبوني وده شيء بتمتع بيه، رضا الوالدين ورضا أهلي وولادي وكل الناس عليا.
فيفي عبده
كما سألت الإعلامية ياسمين عز فيفي عبده عن رأيها في حق الزوجة في الانفعال على زوجها قائلة: هل الزوجة ليها حق تزعق في زوجها لو دخل بالجزمة الشقة من غير قصد؟
وردت فيفي عبده قائلة: ليها حق تزعق، بس بطريقة النحنحة والسهوكة بتاعتك، وتقول له يا بيبي كده برضه يا حبيبي أنا لسه ماسحة ما تبقاش تعمل كده تاني.
