أحمد شيبة: ماخدتش فلوس من أغنية آه لو لعبت يا زهر.. ولو عليت أجري هقعد في البيت
أكد المطرب الشعبي أحمد شيبة، أنه لم يحصل على أي مقابل مادي من أغنيته الشهيرة آه لو لعبت يا زهر، وذلك رغم تجاوزها 480 مليون مشاهدة على يوتيوب منذ طرحها.
أحمد شيبة يتحدث عن أغنية آه لو لعبت يا زهر
قال أحمد شيبة خلال تصريحات تلفزيونية، إنه لم يحصل على أي أموال من أغنية آه لو لعبت يا زهر، والأغنية تسببت فقط في شهرته، معلقًا: قسما بالله ولا جنية خدته من أغنية آه لو لعبت ي زهر رغم أن الأغنية وصلت نص مليار مشاهدة.
وتابع شيبة: أنا أتنصب عليا في الأغنية دي، لأن لما فلان يكسب من ورا واحد 100 جنية مثلًا على الأقل يعطي الواحد ده 5 جنية، بس أنا فرحان بنجاح الأفنية والحمد لله عندي كنز وهو حب الناس وفي ناس عندهم فلوس بالهبل بس معندهمش حب الناس.
وأضاف:أنا باخذ أي فلوس وبحمد ربنا وبشكر فضله وأوقات بجامل ناس وبغني ببلاش وكل زمايلي عارفين كده، لأن الناس تعبانة عشان كده مابعليش أجري، لأني لو عليته هقعد في البيت.
أحمد شيبة عن غنائه بعد وفاة شقيقه
وعن غنائه مباشرة بعد دفن شقيقه، فعلق شيبة قائلًا: حسبي الله ونعم الوكيل في اللي قال كده، أنا قعدت أسبوعين وبعدها نزلت الشغل عشان المصاريف وعشان الناس اللي ورايا.
وأستكمل: أخويا اتخطف مني، وأولاده معايا وربنا يسامحه ويرحمه، كان نفسي أعمل معاه كل حاجة وقبل ما يموت بـ 15 يوما قولتله اتقل وهنفتح الكافيه وهتقف فيه.
أحمد شيبة يعلق على غناء ويجز في كأس العالم
وأعرب شيبة عن سعادته بغناء مطرب الراب ويجز في حفل نهائي كأس العالم، وأشار إلى أنه تمنى غنائه في هذه الحفلة، معلقًا: فرحان لـ ويجر أنه غنى في كأس العالم، وبفرح لأي مطرب من مصر.
واختتم شيبة حديثه: أنا غنيت في قطر بس كان نفسي أغني في كأس العالم، وكان نفسي عمر كمال وعمرو دياب وكل فناني مصر أكيد كان نفسهم يغنوا في الحفلة دي.
