بعد قليل.. أولى جلسات محاكمة منة شلبي بتهمة حيازة المخدرات
تنظر محكمة جنايات شمال القاهرة المنعقدة بالعباسية، بعد قليل، أولى جلسات محاكمة الفنانة منة شلبي على خلفية اتهامها بإحراز مخدر الحشيش بقصد التعاطي في غير الأحوال المصرَّح بها قانونًا، وجلبها من الخارج.
محاكمة منة شلبي
وفي وقت سابق، أمرت النيابة العامة بإحالة المتهمة منة شلبي للمحاكمة الجنائية؛ لمعاقبتها على ما أُسند إليها من إحرازها جوهر الحشيش المخدِّر بقصد التعاطي في غير الأحوال المصرَّح بها قانونًا، وأقامت النيابة العامة الدليلَ قِبَل الفنانة المتهمة منة شلبي من شهادة 5 شهود على الواقعة، وما توصلَّت إليه تحريات الشرطة، وما ثبت بتسجيلات آلات المراقبة بمحلِّ ضبطها، فضلًا عمَّا أسفر عنه فحص المعمل الكيماويّ للمضبوطات المعثور عليها بحوزتها.
قضية منة شلبي
كما نشر القاهرة 24 أقوال الفنانة منة شلبي بجهات التحقيق خلال التحقيق معها، حيث قالت: أنا كنت مسافرة نيويورك علشان أحضر مهرجان إنتر ناشونا لامي أورد، ووصلت مطار القاهرة وعديت على الجمارك وأنا خارجة وكان معايا 3 شنط والدنيا كانت زحمة وأنا حطيت الشنط اللي معايا على السير علشان يتشاف فيها إيه ولاقيت واحد من اللي واقفين في الجمرك بيقولي معاكي سيجارة إلكترونية، فأنا قولتله أنا بدخن فيب وكنت بفتح الشنطة علشان أوريله الفيب فلاقيت واحد تاني جه وقالي إحنا هنفتح بقية الشنط نشوفها.
تحقيقات قضية منة شلبي
ونفت الفنانة منة شلبي في التحقيقات اتهامها بحيازة مخدر الحشيش وقالت: محصلش، أنا وافقت إن الراجل التاني يفتح الشنطة وقولتله اتفضل وقعد يقلب في الشنط وبعدين جه واحد ثالت كان بيفتش معاهم وأنا طلعت الفيب السجاير الإلكترونية وواحد منهم قالي ممكن تقعدي شويه ووداني أوضة في الجمارك قعدت فيها شوية والشنط كانت معاهم في الوقت ده وبعد شوية لاقيت ناس كتير وظباط مطلعين علبة ميكب لونها أخضر بيقولولي إن دي فيها ماريجوانا فقولتله مفيش الكلام ده مش صح وده ميكب عادي فلقيته بيقولي معاكي كوكايين، قولتله أنا مش بشرب الحاجات دي أصلا، وبعدين قالولي طيب استني شوية، وبعدين أنا بقيت سامعه کلام کثیر بره وبعد ساعتين تلاتة لاقيتهم بيقلولي أطلبي المحامي بتاعك، فبقولهم إيه اللي حصل قالولي إنتي معاكي ماريجوانا، وبعدين قالي إنتي هتتعرضي على النيابة، وبعدين وأنا قاعدة لاقيت أخبار نازله إني أنا مقبوض عليا ومعايا مخدرات، وفضلت هناك لما جيت هنا واتعرضت على النيابة.
