روحت لـ عشيقتي اسأل على أمي وكانت مخبيّة جثتها في البلكونة… نص التحقيقات في جريمة هزت السويس| خاص
يستكمل القاهرة 24 بنشر نص التحقيقات، في أبشع جريمة قتل شهدتها محافظة السويس خلال الفترة الماضية، والمتهمة فيها ربة منزل وطليقها وزوج ابنة شقيقها، بقتل سيدة والتمثيل بجثتها وحرقها في أحد المناطق النائية بالسويس، لإخفاء جريمتهم بعد رفض المجني عليها زواج المتهمة نجلها.
وكان القاهرة 24 قد انفرد بنشر الجزئين الأول والثاني من نص التحقيقات مع المتهمة، ويستكمل مع أقوال نجل المجني عليها:
س: ماهو اسمك؟
ج: وليد محمد عبده محمد المقدم.
س: ما صلتك وعلاقتك بالمجني عليها ألفت جمعة عبدالسلام؟
ج: والدتي
س: ما معلوماتك بشأن الواقعة محل التحقيق؟
ج: اللي حصل إن أنا كنت عايش في كفر الشيخ، وبعد كده جيت على السويس في 15 سبتمبر 2021، واشتغلت في محل حلويات اسمه الست منة بالسلام 2، وبدأت اتعرف على المتهمة سماح، لما كانت بتيجى تشترى من المحل وأخدت رقمها، وأنا كنت ببيت في الشغل ولما الشتاء دخل اتصلت بيها، وطلبت منها غطاء لأنه مكنش معايا وهي فعلا جابت الغطاء.
بدأت العلاقة بينا تتطور من كلام في التليفون، إن أنا أروح لها شقتها بالتوفيقية، وأقيم معها علاقة جنسية، وفي مرة سافرت كفر الشيخ وخليت والدتي تكلم سماح عشان يتعرفوا على بعض.
س: وما هي طبيعة العلاقة فيما بينك وبين سالفة الذكر تحديدًا؟
ج: كانت فى الأول زبونة عادية بس أنا أخدت رقمها وبقيت بتكلم معها.
س: وكيف تطورت تلك العلاقة؟
ج: بقينا بنتكلم كتير، وعلاقتنا بقت أقرب لبعض، ومع دخلة الشتا طلبت منها غطا عشان مكنش معايا وجات لي، ومع الوقت بقيت بروح لها شقتها كتير وأقيم معها علاقة جنسية في كل مرة واتفقنا أننا نتجوز.
س: وما انطباع والدتك في المحادثة الهاتفية فيما بينها والمتهمة سماح؟
ج: قالت لي دي ست كبيرة وأنت شاب صغير وشوف غيرها أحسن.
س: أعلمت المتهمة سماح فاروق محمود بذاك الرد؟
ج: لا مقولتلهاش
س: وما رد فعلك على انطباع والدتك المجني عليها؟
ج: قولت لها أنا خطبت كتير، ومتوفقتش فسبيني أجرب حظى المرة دي وأعيش حياتي.
س: كيف اكتشفت واقعة غياب والدتك؟
ج: لما رجعت من الشغل أنا وأخويا ضياء يوم الأربعاء لم أجدها في البيت.
س: وما تصرفك حيال ذلك؟
ج: أنا أول لما ملقتش أمي اتصلت على موبايلها لقيته مقفول، فكلمت سماح وقلت اسألها يمكن تعرف هي فين واتصلت عليها بموبايلي.
س: وبم أجابتك سالفة الذكر؟
ج: هي قالت لي أنها في اليوم اللي قبله كانت رايحالها بعيش بالليل على البيت/ فرنت عليها ملقتهاش في البيت، فأمي قالت لها أنها في صيدلية فى اليسر، فقالت لي أنها هتروح لها، بس وهى رايحة عرفت أن ابنها مالك تعبان فما رحتش تقابل أمي ورجعت بيتها، وسماح قالت لي إنها متعرفش أمي فين.
س: وما طبيعة علاقتك بأنجال المتهمة سماح؟
ج: أنا مفهمهم إن أنا وأمهم سماح متجوزين عشان أعرف أجي اقعد مع أمهم.
س: وما الحالة التى كانت عليها المتهمة سماح عند تواجدك وشقيقك في منزلها بعد اختفاء والدتك؟
ج: سماح كانت قاعدة ساكتة ومبتتكلمش خالص وده على غير عادتها معايا، وبترد على قد الكلمة وخلاص.
س: أكنت وشقيقك على علم بوجود جثمان المجني عليها والدتكم ويفصل بينكما بضعة أمتار فقط؟
ج: لا
س: وما التصرف الذى بدر منكم عقب ذلك؟
ج: أحنا قعدنا أقل من نصف ساعة وبعدين روحنا نمنا.
س: ما قولك فيما قررته المتهمة سماح بالتحقيقات تلوناه تفصيلا؟
ج: أنا معرفش هيعملت كدة ليه، بس أنا بتهمها بقتل أمي، طالما اعترفت وأقرت باللي عملته ده.
