أحمد زاهر: أنا موت ورجعت ثاني للحياة.. وأحمد صفوت وكمال عطية انهارا من البكاء
كشف الفنان أحمد زاهر، تفاصيل جديدة عن فترة مرضه الصعبة السابقة، حيث كان يعاني من مرض في الغدة الدراقية؛ أدت إلى زيادة وزنه.
وقال أحمد زاهر في تصريحات تليفزيونية: أول مرة في حياتي اتكلم على النقطة دي.. خلال فترة مرضي حصل ليا موقف إني موت ورجعت ثاني للحياة، وده بشكل حقيقي.
وأضاف زاهر: الموضوع مؤلم شوية، وكان صحابي اللي معايا الفنان أحمد صفوت والفنان كمال عطية في البيت بالوقت ده، وأنا كنت في عز المرض، وقاعدين بنتكلم عادي جدًا، وفجأة حسيت نفسي كأني بسقط في بير وبنزل وأنا قاعد ومحستش بأي حاجة، وانفصلت عن الواقع وكل اللي شوفته حاجات سوداء.
وأوضح الفنان: فجأة كنت مش موجود في الواقع، ولما فوقت لاقيت كمال وأحمد صفوت منهارين من العياط بشكل هستيري وخلاص أنا موت، ووشى لاقيته متغير واحمر جدًا جدًا من كتر ما ضربوني عشان محاولات إني أفوق، وفعلًا ربنا أعطاني فُرصة ثانية للحياة عشان أصلح أخطائي، وأولها كانت القرب منه ولحد الآن.
كيفية اختيار أحمد زاهر للأدواره
في سياق آخر، كشف أحمد زاهر، لـ القاهرة 24، كيفية اختياره للأدوار، حيث أوضح: بتأنى في شغلي وشغل بناتي، ولو لقيت حاجة كويسة أوي بشتغلها، ولو مش كويسة أُفضل السكوت والقعدة في البيت ليا ولولادي.. أنا عند الناس في حتة إني ممثل كويس، وبختار كويس ومش مسألة شهرة، وتواجد لكني بنقي اختياراتي علشان كده دة اللي مأخرني.
