الوضع كارثي ومفيش حلول.. أحمد سمير فرج ينتقد أداء الإسماعيلي ويُطالب بعودة إبراهيم عثمان
أبدى أحمد سمير فرج نجم الإسماعيلي السابق غضبه الشديد من تراجع نتائج الدراويش وإيقاف القيد من جانب لجنة الانضباط بسبب مستحقات إبراهيم حسن لاعب الفريق السابق لصالح نادي النجوم.
وكتب فرج على صفحته الشخصية بموقع التواصل الاجتماعي فيس بوك: الواحد مش هيتكلم في الكورة تاني زهقنا الماتشات دي المفروض نلم فيها النقاط بتاعت البقاء في الدوري، البنك والمقاولون على ملعبنا وأسوان والحرس والداخلية دول بتوع 10 نقاط على الأقل نخرج من اللي إحنا فيه مؤقتًا،
الوزير وكلمناه، أعضاء رابطة كلمناهم، رجال أعمال تواصلنا معاهم الوضع كارثة ومفيش حلول
طب نروح نعتذر للمهندس إبراهيم عثمان ويرجع عشان يلحق النادي والله فعلًا مفيش حد عايز ييجي المشكلة الفترة الحالية مش بتاعت حد شاطر إداريا لازم حد معاه فلوس ومعاه فكر إداري على المدى البعيد.
وفي سياق متصل، علق مصدر داخل اتحاد الكرة، على قرار إيقاف النادي الإسماعيلي من القيد خلال فترة الانتقالات الشتوية الحالية.
تعليق اتحاد الكرة على إيقاف الإسماعيلي
وقال المصدر لـ القاهرة 24: الإسماعيلي مُتقدم بتظلم للجنة الانضباط في مسألة إيقاف قيده ونقل 5 مباريات له خارج الإسماعيلية على خلفية خلافه مع نادي نجوم المستقبل بخصوص اللاعب إبراهيم حسن.
وأردف المصدر: لم يصدر حتى هذه اللحظة أي قرار من لجنة الانضباط، وبالتالي لم يتم تفعيل العقوبة حتى الآن.
