وفاء صادق عن مسرحية عيلة اتعملها بلوك: كنت خايفة عشان بشتغل مع أستاذ محمد صبحي
تحدثت الفنانة وفاء صادق عن تجربتها في المسرح مع الفنان محمد صبحي في مسرحية عيلة اتعمل لها بلوك، معربة عن سعادتها وخوفها في البداية من التعامل مع قامة مثله.
وقالت الفنانة وفاء صادق في المؤتمر الصحفي لـ مسرحية عيلة اتعملها بلوك: أستاذ محمد صبحي في المسرح والدراما هو أستاذ صبحي باختياراته وفكره وباللي عايز يوصله، بالنسبة للمسرح في الأول كنت خايفة منه في الأول جدًا لأن أنت طول ما أنت ماشي في الشغلانة كانوا يقولوا أنتِ بتشتغلي مسرح مع محمد صبحي؟، يا عيني عليكي يعني طول الوقت مهددة إن يجرى ليكي حاجة طالما رايحة مسرح محمد صبحي.
تابعت وفاء صادق راوية كواليس المسرحية: لما جيت وقعدت مع أستاذ صبحي واتكلمنا في الرواية وبدأ يشرحلي الفكرة والصورة النهائية، طبعًا كممثلة اتبسطت جدًا من تعدد الأدوار والمساحة، لغاية ما كانت فيه بالنسبة ليا لحظة حاسمة في العرض لأني عندي ولدين في سن الشباب شايفين إن التريند وعصر الحاجات السريعة اللي هي السندوتشات الفنية بمعنى ماتطولوش علينا.
واختتمت وفاء صادق تصريحاتها قائلة: ولادي اتفرجوا على العرض، وكانت الجملة بالنسبة ليا إنهم دققوا في حاجات معينة بسطتني، لأني لو كنت طول عمري أقولها لهم مش هيفهموها، زي إنهم حبوا العصر القديم، وشايفة إن الجيل ده مظلوم ومش عايش حياته، والعرض ده حققلي أنا كـ وفاء الممثلة والأم الرضا والسعادة.
مسرحية عيلة اتعملها بلوك
جدير بالذكر أنه مسرحية عيلة اتعملها بلوك تضم العديد من الفنانين من فرقة استوديو ممثل، إلى جانب الفنانة وفاء صادق، من بينهم كمال عطية، محمد يوسف، مصطفى يوسف، مريم شريف، وليد هاني، مايكل وليم، لمياء عرابي، وآخرين.
