هنا يسري: والدي غول تمثيل.. وهو وأخويا اللي حببوني في الفن
كشفت الفنانة الشابة هنا يسري، عن أسباب دخولها عالم الفن، كما تحدثت عن رأي والدها الفنان إبراهيم يسري وشقيقها محمد يسري في دخولها في الوسط الفني.
وقالت هنا يسري في تصريح خاص لـ القاهرة 24: من أسباب حبي للفن إني من وأنا صغيرة تأثرت به عشان أبويا إبراهيم يسري اللي بعتبره غول تمثيل، ومن كتر ما كنت بشوف الناس بتحبه إزاي وقد إيه كان ممثل تقيل أوي، وبعدين تأثرت أكتر بأخويا محمد يسري لأنه فنان مثقف أوي، فـ هما ليهم الفضل في حبي للفن.
وتابعت هنا يسري كاشفةً موقف أبيها وشقيقها من دخولها هذا الوسط، حيث قالت: والدي وأخويا كانوا مشجعني جدًا إني أدخل مجال الغناء والتمثيل، وكانت نصيحة بابي ليا دايمًا إني أدرس مجال تاني غير الفن عشان يبقى عندي مجالين أختار أشتغل في أنهي فيهم، ومحمد بيدعمني جدًا وفرحان بكل خطوة ربنا بيرزقني بيها.
وعن خطتها الفنية الفترة المقبلة، أوضحت: أنا دلوقتي في مرحلة الاختيار وبقرأ سكريبتات لأعمال وبختار الأغاني اللي ممكن أعملها، وإن شاء الله تبقى حاجات كلها تعجب الناس.
أغنية بنت أبوها
على جانب آخر، طُرح لـ هنا يسري مؤخرًا، أغنية بنت أبوها، التي لاقت إعجاب عدد كبير من الجمهور، الذين أشادوا بموهبتها الملحوظة، والأغنية من كلمات منة عدلي القيعي، وألحان إيهاب عبد الواحد، وتوزيع نادر حمدي.
مسلسل في كل أسبوع حكاية
وعلى جانب التمثيل، يُذكر أنه شاركت هنا يسري في حكاية في أمل، ضمن حكايات مسلسل في كل أسبوع حكاية، بطولة كل من: الفنان محمد الكيلاني، كارولين عزمي، شهد الشاطر، ومحمد مولى.
