الراقصة شمس تنهار من البكاء بسبب سعد الصغير: صورني وأنا نايمة جنبه على السرير بدون هدوم
انهارت الراقصة شمس طليقة الفنان سعد الصغير، أثناء الحديث عنه وعن خلافاتهما خلال الفترة الماضية، كاشفة تصويره لها أثناء نومها وهي مجردة من ملابسها.
وقالت الراقصة شمس خلال لقائها عبر زووم مع القاهرة 24: صورني وأنا عريانة ونايمة جنبه على السرير، ومش عارفة سعد الصغير عايز مني إيه.. وقالي لو عرفتي تعملي حاجة أولاني اعملي تاني، هو كان هنا في البلد اللي أنا عايشة فيها من أسبوعين وكان عايزني أروح معاه السفارة وأرجعله، وقالي هعمل فيكي اللي أنا عايزه.
ووجهت الراقصة شمس، رسالة لـ طليقها الفنان سعد الصغير، قائلة: مش عارفة بتعمل معايا كده ليه ولا عايز مني إيه، أنت عندك بنت خاف عليها وحسبي الله ونعم الوكيل فيك.
الراقصة شمس
أما عن تفاصيل خلافها مع سعد الصغير فقالت الراقصة شمس: معرفش ليه سعد الصغير عمل معايا كده، كنت حامل في الشهر السابع و10 أيام، ومكنش في أي حاجة أو مشكلة، ومكنتش عايزة أخلّف منه، وقالي قبل كده متنزليش الطفل ده وبعد كده غير رأيه.
وتابعت أن الفنان سعد الصغير أصر على إجهاضها، موضحة: بعدها بفترة جابلي بلطجية ودخل عليا البيت من 12 الضهر وفضل يكلم الدكاترة ويضربني، والدكتور قالي مش هينفع تعملي العملية لأن الجنين عمره 7 شهور، راح سعد قال للدكتور أنت هتعملها يعني هتعملها، والدكتور قالي هعملك العملية وأجهضني.
