محمد صبحي عن ورش الكتابة والإخراج: مرض مخيف يهدد صدق الفن
كشف الفنان محمد صبحي رأيه في بعض الورش الكتابة التي يلجأ لها بعض المؤلفين في الفترة الأخيرة، إذ أكد أن لا يفضل تلك الورش إطلاقًا واصفا إياها أنها تهدد الفن بسبب اشتراك أكثر من شخص في كتابة السيناريو.
وتحدث محمد صبحي عن رأيه في ورش الكتابة، قائلًا: 6 أو7 يتلموا عشان يكتبوا، كل واحد يقولك سيب ده أنا أعمله، وبتبقى ورشة إخراج من 6 كل واحد له حاجة، إزاي الفن ميخرجش من ذهن واحد؟، إزاي 6 يشتركوا في الكتابة، النحات عشان ينحت تمثال مبيجبش واحد ينحت العين، وواحد الفم وواحد الأنف، وواحد الجبهة لأ.. بيخرج من عقله، عشان يعمل تمثال زي نهضة مصر، محمود مختار وغيرهم، إحنا عندنا مرض مخيف بيهدد الفن، وصدق الفن هي مسألة الورش.
ومن جانبه، أوضح الفنان محمد صبحي رأيه في فكرة سفر النجوم للخارج، من أجل مشاهدة عمل، إذ قال: مبسعاش أسافر للدول العربية، إحنا كان كل الأخوة العرب بيجوا مصر، ويحضروا 30 مسرحية في السوق، أنا هفضل مكاني عشان هما اللي ييجوا يتفرجوا، إذا حبوا يتفرجوا، لأن أنا بحب بلدي، ومن حقي أحب بلدي، وأحافظ على ريادتها.
تصريحات محمد صبحي
وتابع محمد صبحي: يوميات ونيس مسلسل عايش، هو وفارس بلا جواد، ومازال يذاع حتى الآن، وهما من الأعمال اللي شايف إنها بتوثق فترة تاريخية في مصر وبيتم فيها تعرية للعدو.
