ياسمين غيث تكشف تفاصيل حالتها الصحية: عندي ورم على القفص الصدري
كشفت الفنانة ياسمين غيث تفاصيل مرضها وحالتها الصحية، وذلك بعد إعلان خضوعها لعملية جراحية دقيقة.
وقالت ياسمين غيث في تصريح خاص لـ القاهرة 24: عندي ورم حميد على القفص الصدري، وهي عملية شبه القلب المفتوح، ولكن على الصدر، وقريبًا هعملها، وأتمنى من الجمهور يدعيلي بالشفاء.
وكتبت ياسمين غيث منشورًا، عبر حسابها الشخصي بموقع التواصل الاجتماعي، فيس بوك، جاء فيه: يا رب.. اللهم خير لي واختار لي، يا رب نجيني وهونها عليا، واشفيني واشفي كل مريض، خلاص الدكاترة أجمعوا إني لازم هعمل العملية قريب، وهتكون open chest مش منظار، حجم الورم أكبر من إنه يتشال بمنظار.
وتابعت ياسمين غيث: ربنا اختار لي ده، وأنا راضية والله بس أنا خايفة، هقول لكم قبلها بإذن الله، ادعولي كتير، ألف حمد وشكر ليك يارب على كل حال.
مرض ياسمين غيث بـ السرطان
وفي سياق آخر، أصيبت ياسمين غيث بالسرطان في السنوات الماضية، وما زالت تصارع المرض حتى الآن، وتحدث ياسمين من قبل عن معاناتها مع المرض، إذ قالت عبر حسابها الشخصي بـ فيس بوك: الحمد لله 5 سنين سرطان، حياة على كف عفريت، زي ما بيقولوا لمدة 5 سنين، اللي اتقالي إن أول 5 سنين critical، ولازم نتابع علشان السرطان ميرجعش، لسه مش مصدقة، مش عارفة حصل إزاي.
