محمود الليثي عن علاقته بزوجته: ودين الله لو كوكي زِعلت الدنيا بتسود في عيني
تحدث المطرب محمود الليثي عن علاقته بزوجته، مشيرًا إلى أنه لا يفعل شيئًا دون أخذ إذنها.
وقال الليثي في ندوته بـ القاهرة 24: مش بعمل صداقات مع أي حد ولا الراقصات حتى الجمهور، بسبب أم سيد، إلا أم سيد، إلا كوكي، ودين الله مش بعمل حاجة إلا لما أقول لها، ولو كوكي قالت لي بلاش يبقى هي بلاش، وعمري ما كلمت حد عليها وقافل الحتة دي، وروحي فيها.
وأضاف المطرب الشعبي: ودين الله لو أم سيد زعلت الدنيا تسود، وأفضل أجري وراها، لأنها خدتني مش معايا حاجة بعد ربنا، والناس لو تفهم القرآن صح هيعيشوا مرتاحين.
وأردف الليثي قائلا: هو إيه الفرق بين الست والست مع الراجل؟ ولا أي حاجة غير المودة والرحمة زي ما كتاب ربنا بيقول وجعلنا بينكم مودة ورحمة، ربنا جعل زوجتك في الحلو والحلال وفي المشاركة، وأديك عايش والعيال بتكبر جنبك وهي بتخلي بالها من العيال وبيتك، هو في حد يكره أن عيشته تكون مستقرة.
الزوجة الصالحة نعمة من ربنا
واستكمل محمود الليثي: الزوجة الصالحة نعمة من ربنا، وإنها تكون معاك وتخاف عليك، وزوجتي من كتر حبها فيا وخوفها عليا لسه مدياني بشاير يكون عندي مكتب.
المودة والرحمة بتدخل البركة للبيت
وأشار الليثي إلى أنه رأى حرص عبد الباسط حمود وأحمد السبكي على علاقتهم بزوجاتهن، وتعلم منهما ذلك، قائلًا: عبد الباسط حمودة أم رامي بالنسبة له قاعدة جوية، والحج أحمد السبكي أم كريم بالنسبة له هي الأساس، والمودة والرحمة بتدخل البركة للبيت.
محمود الليثي يتحدث عن شائعات زواجه من صافيناز
وعن شائعات زواجه من الراقصة صافيناز، قال: صافنياز زي أختي، وهي الوحيدة اللي بتاعة شغل هي والراقصة دينا.
وكشف محمود الليثي كيفية تعامله مع الشائعات والانتقادات، قائلًا: بتعامل مع انتقادات الجمهور عادي لأن حب الناس بيخلي الناس تتجنب الكلام عني لأنهم عارفين أن الليثي رجولة وجدع.
