بعد تضامنها مع سعد لمجرد.. القصة الكاملة لـ استبعاد بسمة بوسيل من She Can
استبعدت مصممة الإزياء بسمة بوسيل من مؤتمر She Can، والذي من المقرر إقامته يوم 4 مارس خلال الشهر المقبل.
وعلم القاهرة 24 من مصادره الخاصة، أن مؤتمر She Can استبعد بسمة بوسيل بسبب تضامنها مع الفنان سعد لمجرد في قضية اغتصابه لفتاة فرنسية.
رد بسمة بوسيل على اتهامها بالتضامن مع سعد لمجرد
وكتبت بسمة بوسيل، منشورًا عبر خاصية ستوري على حسابها الشخصي بموقع انستجرام قائلة: مساء الخير ردا على سوء التفاهم اللي حدث بسبب آخر ستوري مني، أنا أكيد ضد أي تحرش أو اغتصاب مهما كانت الظروف وما أقبلش على بناتي أو نفسي حاجة زي كده.
وتابعت بسمة: أنا كنت بتكلم على قصة واحد ووحدة هي نفسها اعترفت أنها طلعت معاه للأوضة لوحدها، فالمفروض دي حاجة تنافي عاداتنا وتقاليدنا وشايفين الرجل مذنب والست لا عشان مغربي وعشان فعلا دائمًا في عنصرية ضد العرب في البلدان الأوروبية وأكيد القضاء هياخد مجراه.. للذكر أنا بشجع البنات وكل الستات بالعدل بس.
واستكملت بسمة: أنتي تقدري أكيد تقدري تبقي مهنية أكتر وتدوري في أحداث القضية أكثر مش بس تلحقي الترند عشان تظهري، أنتي تقدري أكيد تقدري بس أهم حاجة من غير ما تكذبي.. وانسحابي كان بسبب إنني لا أتشرف بأن أكون جزءا من برنامج لا يحترم حقوق الإنسان لأنه يحترم حقوق المرأة.
واختتمت حديثها: بقينا في زمن الشماتة والتنمر والحكم على ناس فيها اللي مكفيها من ابتلاء فضيلة.. وإنك تدعي لحد في مصيبة بإن ربنا يهون عليه وينزل عليه الرحمة بالشكل اللي طبعًا ربنا شايفة عادل، جريمة.
أبرز الحاضرين في مؤتمر She Can
ويحضر مؤتمر She Can عدد كبير من النجوم أبرزهم: أروى جودة، دانا حمدان، مايان السيد، الإعلامية مها الصغير، هند عبد الحليم، نسمة محجوب، هنا يسري، وعدد آخر من الفنانين، وستقام حلقات نقاشية وورش عمل ومحاضرات.
