غادة إبراهيم: ممكن أقدم أدوار عن المثليين وزنا المحارم.. وأقدر أعمل إغراء وأنا محتشمة بالإيحاء
تحدثت الفنانة غادة إبراهيم، عن أهمية تقديم قضايا المجتمع في الأعمال الفنية، مؤكدة أنها تستطيع تقديم أدوار عن المثليين جنسيا وزنا المحارم ولكن دون مشاهد جريئة.
وقالت غادة إبراهيم لـ القاهرة 24: زنا المحارم موجود من زمان، ليه عايزين ندفن راسنا في الرمل، ولازم نقدم القضايا دي في الفن عشان نحط جزاء ويكونوا عبرة، وهنا نوصل الرسالة مظبوطة في العمل الفني، إنما مش بنروج للخطأ.
وواصلت غادة إبراهيم: وعندنا فيلم عمارة يعقوبيان اللي كان فيلم عالمي وخالد الصاوي عمل الدور بطريقة هايلة، وأنا عملت دور جريء واحد بس في حياتي، ومع ذلك بيقولوا عليا ممثلة إغراء؟ فين الإغراء دا؟ وفيه أدوار مقدرش أقدمها دلوقتي زي القبلات أو ألبس مايوه إنما ممكن ألبس مايوه وعليه كاش مايوه؛ لأن الولاد في عيلتي كبروا وبنتي كبرت، وممكن أقدم موضوعات مهمة زي المثليين جنسيا وزنا المحارم وممكن أعمل إغراء وأنا لابسة مقفول بالإيحاء.
وأضافت غادة إبراهيم: الممثل الضعيف هو اللي بيعتمد على الملابس والجسم إنما أنا أدواتي عيني وصوتي مش جسمي وممكن أعمل إغراء دون ابتذال وأنا محتشمة.
طقوس غادة إبراهيم في شهر رمضان
ومن ناحية أخرى، سبق وكشفت غادة إبراهيم في تصريح سابق لـ القاهرة 24، عن طقوسها في رمضان، مؤكدة أنها تحرص على توزيع الطعام على المحتاجين باستمرار ولم تقطع تلك العادة رغم أي ظروف، كما أنها تستمتع إلى الشيخ الشعراوي ولا تقطع أي صلاة أو صوم.
