بشرى: ياريت نعمل ربع تاريخ نبيلة عبيد.. وأنا قوية طول ما أنا بعيدة عن أي منصب
علقت الفنانة بشرى على اقتراح الفنانة نبيلة عبيد، بتجسيد رواية سارة لـ الأديب الراحل عباس محمود العقاد، بجانب حديثها عن سبب عدم ترشحها لأي منصب نقابي.
وقالت بشرى خلال لقائها مع القاهرة 24: رواية سارة لـ عباس محمود العقاد، أنا مقرأتهاش ومقدرش أفتي وأقول إني تحمست ليها، وبالنسبة ليا بحب أدور على الرواية اللي تمثلني أو اللي أحس بيها، وكمان السن لا يسمح لأن رواية سارة عايزة سن مُعين، وعلشان كده نبيلة عبيد لما عدى بيها الزمن معملتش الرواية، علشان تعرفوا قد إيه الفنان رجليه على الأرض وفاهم وواعي.
وأردفت قائلة: مدام نبيلة عبيد إنسانة جميلة وياريت نعرف نعمل ربع تاريخها ولا مشوارها، ولكنه مش هيحصل لأن الزمن غير الزمن والمعطيات مختلفة، وزمان كان فيه ناس مثقفة ولكن دلوقتي فيه السوشيال ميديا وطبل وزمر وحاجات ممنهجة وسطحية وتافهة كتير أوي.
أما عن سبب عدم ترشحها لأي منصب نقابي، فعلقت بشرى قائلة: أنا قوية طول ما أنا بعيد عن أي منصب، أنا أقوى من المناصب أنا وزيرة ونقيبة بلا حقيبة وسفيرة لبلدي بلا حقيبة، وعندي قدرة على التغيير من غير ما يكون عندي منصب ولا أتفشخر ولا أحارب علشان منصب|، ولا أقعد خايفة على المنصب والكرسي، أنا ست بشوف نفسي مؤثرة من غير منصب.
بشرى في رمضان 2023
وسبق وأن كشفت الفنانة بشرى في تصريحاتها أنها ستشارك في الماراثون الرمضاني لعام 2023، من خلال مسلسل طبيبة شرعية، مع نخبة من أبرز النجوم، منهم: نضال الشافعي، مي سليم، رزان المغربي، فراس سعيد، وهو من تأليف محمد الغيطي، متمنية أن ينال على إعجاب محبيها ومتابعيها.
