غادة عادل: أنا كنت عبيطة لما رفعت شعار السينما النظيفة وخسرت أعمال كتيرة |فيديو
تحدثت الفنانة غادة عادل عن رأيها في السينما النظيفة، خاصة أنها كانت من ضمن النجمات اللاتي رفعت شعار السينما النظيفة في بداية مشوارها الفني.
وأضافت غادة عادل خلال استضافتها في برنامج أنا والقناع مع الإعلامية منى عبد الوهاب على قناة الحياة: مفيش سينما نظيفة وسينما غير نظيفة أنا كنت فعلًا عبيطة وهبلة لأني لقيت مفيش حاجة اتكسف منها.
وتابعت: أنا بقدم شخصية رقاصة أو محجبة أو مدمنة وأيًا كان الدور فأنا بمثل دور في فيلم من واقع معين، وحاليًا بقيت شايفة شعار السينما النظيفة كلمة سذاجة، وخسرت أدوار كتير بحكم الشعار.
واستكملت: أنا حاليًا بشوف إذا أنا حابة شخصية ودور هعمله مش هبص هو فيه إيه، وسبق وقلت إن الفنان حر يختار الأدوار، لأن ما ينفعش أشرط على المخرج والمؤلف، الأفضل أرفض الدور لو مش مناسبني.
وأردفت عن سبب رفعها شعار السينما النظيفة: كنا صغيرين وكان بيتقال لنا حاجات وداخلين في وسط جديد وفرحانين وبنسمع الكلام وننفذ.
وكشفت غادة عادل أن ابنها لام عليها بسبب مشهدها في فيلم أولاد رزق 2، قائلة: ابني لامني بسبب مشهدي في فيلم أولاد رزق 2 لام عليا لأني ما كنتش قايلة لهم وراح السينما يتفرج على الفيلم وقال لي ما كنتش أعرف، ولكن أنا فهمته وقلت له مفيش حاجة اسمها دور جريء الكلمة دي بتستفزني ولكن الفنان بيبجسد الشخصية على بعضها.
