أبرز تصريحات رانيا يوسف مع بسمة وهبة.. مبعملش حساب للمجتمع
كشفت الفنانة رانيا يوسف العديد من أسرار حياتها، خلال لقائها مع الإعلامية بسمة وهبة، حيث أكدت أنها تلقت العديد من عروض الزواج لكنها لم توافق؛ بسبب بناتها، كما أشارت إلى أنها لم تتزوج من رجل تقدم لها بسبب الماديات، مؤكدة أنها تستطيع بعد 15 دقيقة الزواج من أغنى رجل بالوطن العربي، حسب قولها.
ونستعرض لكم أبرز تصريحات رانيا يوسف خلال لقاؤها مع بسمة وهبة:
ـ ماضية على تعهد متكلمش عن مشاكلي مع طليقي محمد مختار عشان خاطر بناتي.
ـ في زماليلي فشلوا في 7 تجارب أنا لسه معملتش الرقم القياسي بتاعهم
ـ وقفت عداد الجواز بعد جوازتي الثالثة.. وفي زماليلي فشلوا في 7 جوازات، لكن أنا لسة معملتش الرقم القياسي بتاعهم.
تصريحات رانيا يوسف
ـ أتجوزت تحت ضغط المجتمع والدين.
ـ كنت بعمل حساب للمجتمع دلوقتي لأ.. لما وقعت في مشاكل محدش وقف جمبي.
ـ أنا ست مش سهلة ومش معنى أني طيبة ومش بأذي حد أني هبلة وبتضرب على قفايا.
ـ عرفت مين حطلي حشيش في العربية بس معرفتش أثبت.
ـ كان بيجيلي عرسان وأنا متجوزة، ومش شايفة أنها إهانة لزوجي، هو مبيجيش يقولي بشكل مباشر، لكن واحدة صاحبتي أو قريبتي هي اللي بتقولي.
ـ بعد ربع ساعة أقدر أتجوز أغنى رجل في الوطن العربي.. لكن أنا مش بتاعة فلوس.
ـ في الوقت الحالي قررت أني مش هتجوز خالص.
ـ في رجالة نكديين كتير ومبيحبوش الفرفشة.. والمشكلة أن دول اللي بنقيهم وبختار غلط.
ـ ورقة الجواز بتتكتب زي ما يكون في عمل اتعمل.
