محكمة الجيزة تستكمل محاكمة البلوجر لوشا بتهمة خطف طفل
تنظر اليوم محكمة جنايات الجيزة، محاكمة البلوجر لوشا وتستمع لشهادة مجري التحريات، وذلك على خلفية الحكم الصادر ضده في وقت سابق بالحبس لمدة 10 سنوات عقب اتهامه في قضية خطف.
تفاصيل محاكمة البلوجر لوشا
وتعود البداية إلى تمكن الأجهزة الأمنية من إلقاء القبض على محمد عبد الحميد، الشهير بـ لوشا، الذي يبلغ من العمر 36 عامًا، في إحدى الدوريات عقب تبيّن أنه هارب من تنفيذ حكم قضائي قد صدر ضده في وقت سابق، على خلفية اتهامه في قضية قتل.
وعلى الفور تم ترحيل البلوجر لوشا إلى تخشيبة الجيزة، ومن ثم إلى قسم شرطة الهرم؛ وذلك من أجل تنفيذ حكم الحبس الصادر ضده في قضية الخطف.
وفي السياق ذاته، كانت قررت جهات التحقيق في القاهرة، استمرار حبس البلوجر لوشا، والذي كان اشتهر بجملة البونبوناية بقى منه خلال الفيديوهات التي كان يبثها على مواقع التواصل الاجتماعي، وتم تحديد جلسة أمس الاثنين 27 فبراير 2023؛ من أجل إعادة إجراءات محاكمته في قضية الخطف المتهم بها.
ويُذكر أن البلوجر لوشا كان قد ظهر في مجموعة من الفيديوهات في الآونة الأخيرة عبر تطبيق تيك توك، والتي كانت أثارت حالة كبيرة من الجدل والغضب لدى رواد مواقع التواصل الاجتماعي؛ وذلك بسبب طريقة حديثه وأسلوبه غير اللائق.
وحصل القاهرة 24 على التحقيقات في قضية البلوجر لوشا، حيث كشفت أقوال والدة الطفل المخططف أمام جهات التحقيق، تفاصيل ما حدث مع المجني عليها هي وابنها المختطف.
وقالت والدة الطفل المختطف أمام رجال التحقيق: اللي حصل إن أنا كنت راجعة من إسكندرية أنا وأبني وواحد اسمه م. ك، دا حد معرفة وكنت متجوزاه من 3 أسابيع وكان بيوصلني مشاويري لما بعوز أسافر ولما وصلنا عند الطريق السياحي لقينا عربية لونها أزرق تقريبًا ماركتها بي ام دابليو وقفتنا ونزل منها ثلاثة أشخاص غير السواق وفتحوا العربية بتاعتنا ورشوا اسبراي في وشنا وراحوا واخدين ابني من الكنبة بتاعت العربية اللي ورا وجريوا بسرعة.
اعترافات والدة الطفل المختطف في قضية البلوجر لوشا
وأضافت والدة الطفل المختطف أمام جهات التحقيق: أول ما فوقت من الإسبراي المخدر اللي اترش في عينيا لقيتهم أخدوا الموبايل بتاعتي من على التابلو ولقيتهم سايبين موبايل في خط دولي نوعه أوبو أزرق اللون معرفتش اطلع الرقم اللي جواه، وباعتين رسالة من رقم بيقولولي لو بلغتي مش هتشوفي ابنك تاني ولا إخواته اللي كنت سيباهم في البيت واستنينا هنقولك تعملي ايه وجمعيلنا 3 ملايين و200 ألف جنيه، وفضلت يومين في الشارع أنا واللي اسمه م. ك، دا أجمع لهم في الفلوس وبعدها اللي اسمه م. ك، اللي كنت متجوزاه من 3 أسابيع أخد الفيزا بتاعتي وبدأ يسحب بيهم الفلوس.
وأكملت والدة الطفل: م. ك، اللي كنت متجوزاه من 3 أسابيع، هو عمل تحويلات لواحد اسمه سمير فوزي فانوس وجمعت جزء من الفلوس وطلبوا مني اشتريلهم سبايك دهب وأنا سبت جوزي اللي متجوزاه من 3 أسابيع دا يتعامل مع بتوع الذهب وأنا كنت مستنياه في العربية وبعتولنا رسالة إننا نسلمهم الفلوس في كافيه وبعدها استلموا الفلوس من جوزي وقالوله هنسلملكوا الولد الساعة 12 صباحًا على الطريق السياحي، وأخدت ابني وبعدها كلمت أخويا بعد ما مشيت وقالي روحي بلغي وبعدها رحت القسم عملت المحضر وهو ده كل اللي حصل.
