عمرو أديب عن منتقدي طرح لوحات مرور مميزة: إيه الضرر اللي وقع عليكم؟
عقب الإعلامي عمرو أديب، على طرح لوحة سيارة مميزة تحمل رقم "م ى ر 555" للتزايد، ووصول سعرها إلى 50 مليون جنيه بعد مزايدة شخصين عليها.
وقال أديب، خلال برنامجه "الحكاية"، مساء الأحد: أنا عمري ما اشتريت لوحات مرور بأرقام مميزة ولا عايز أشتري، الحجات دي مصدر سعادة لناس كتير، متسائلًا: إيه الضرر اللي وقع عليك لما واحد يشتري لوحة بـ 50 مليون جنيه؟.
وتابع مقدم الحكاية: الأرقام اللي فيها وحايد وستات مميزة في مصر، فيه ناس بشتري لوحات المرور اللي فيها أربع ستات قال يعني ماشي على الشرع.
وعن انتقادات البعض لوصول المزايدات على اللوحات لمبالغ كبيرة، قال الإعلامي عمرو أديب: فيه ناس بتقول ما كنتوا تدوا الفلوس دي للغلابة، اللوحة لما بتتباع فلوسها بتروح لـ تحيا مصر وبترجع للغلابة في صورة تطوير خدمات زي المياه والكهرباء ودعم رغيف الخبز.
وعن مزادات بيع اللوحات، أكد عمرو أديب، أن الفكرة موجودة في كل الدول والخليج بيطبقها وبتجيب أرقام فلكية من بيع اللوحات، وبره في أمريكا بيعملوا لوحات بالاسم، متابعًا: سيبوا الناس ومتقعدوش على الواحدة، أنا كنت من الناس اللي طالبت بهذا التوجه.
وطرحت وزارة الداخلية، من خلال موقع لوحتك، التابع للإدارة العامة للمرور لوحة سيارة مميزة تحمل رقم "م ى ر 555" للتزايد ووصل سعرها إلى 50 مليون جنيه بعد مزايدة شخصين عليها.
