ريهام عبد الغفور: بحس الجواز بقى حاجة قديمة
قالت الفنانة ريهام عبد الغفور، إن الزواج أصبح شيئًا قديمًا، مشيرة إلى أن الكثير من الفتيات والشباب يقررون ألا يتزوجوا.
وأوضحت ريهام عبد الغفور في تصريحات تلفزيونية: بحس إن الجواز بقى حاجة قديمة، كان أيام أهالينا لازم كل الناس تتجوز، دلوقتي فيه رجالة وبنات بيقرروا ما يتجوزوش لأن الطلاق كتر، والتفاهم صعب والحياة أصعب، ومش كل حد هيموت ويتجوز زي زمان كان لازم الشاب والفتاة يتجوزا في سن معين أو المجتمع مش هيرحمهم.
من ناحية أخرى، كشفت ريهام عبد الغفور سبب اختلاف الأدوار التي تقدمها خلال السنوات الأخيرة في أعمالها الدرامية وآخرها مسلسل رشيد الذي يعرض حاليًا ضمن الموسم الرمضاني.
وقالت ريهام عبد الغفور: ربنا كرمني وأداني فرص مختلفة قدرت أقدم أعمال مختلفة، وأنا التارجت بتاعي أقدم حاجات عكس بعض علشان الناس ما تملش وأنا كمان ما أملش، وتوقعات الناس عليت فالواحد بيخاف.
وعن الدور الذي تتمنى أن تقدمه، أضافت: قدمت أدوار مختلفة وأتمنى أقدم دور له علاقة بالأمراض العقلية خاصة إني مش بفهم فيها، وحابة أقدم حاجة فيها مجهود وده في حذ ذاته مخاطرة علشان لازم تتقدم صح.
وأشادت ريهام عبد الغفور بمسلسلات الحلقات 10 والـ 15 حلقة، قائلة: موضة عظيمة ويا رب تفضل.
أحدث أعمال ريهام عبد الغفور
وعرضت أمس الحلقة الـ 14 من مسلسل رشيد بطولة ريهام عبد الغفور والفنان محمد ممدوح، ومن المقرر عرض الحلقة الأخيرة اليوم كون العمل يتكون من 15 حلقة فقط.
