أحمد فهمي: هنا الزاهد أشطر فنانة في جيلها وقليل لما تلاقي ممثلة حلوة أوي ودمها خفيف |فيديو
تحدث الفنان أحمد فهمي عن زوجته الفنانة هنا الزاهد، مؤكدًا أنها أنجح ممثلة في ممثلات جيلها.
وقال أحمد فهمي في ندوة تكريمه في القاهرة 24: هنا زاهد شاطرة جدًا، وأنا اشتغلت مع ممثلات كتير واشتغلت معاها 3 مرات مرة في فيلم هينزل قريب، ومسرحية ومرة مسلسل لاقى نجاحًا كبيرًا وكنا مخطوبين.
وأضاف: قليل أوي لما تلاقي ممثلة شكلها حلوة أوي وبتعرف تقول الإفيه صح، ودمها خفيف، وفاهمة الهزار، وممثلة شاطرة.
وواصل أحمد فهمي: هنا أشطر فنانات جيلها، لأن في جيل منى زكي ومنة شلبي وجيل دنيا سمير غانم وجيل أصغر وأعتقد هنا أكتر واحدة شغالة فيه.
وأكد أحمد فهمي أنه لا يتحكم في اختيارات هنا الزاهد معقبًا: بتاخد رأيي كصحاب لأني في الآخر عندي تجارب وخبرة أكتر، وأحيانًا بقول لها الدور ده مش شبهك وبراحتك وفي حاجات بتسمع كلامي وتقولي عندك حق، وعمري ما بتحكم في اختياراتها حتى لو في حد مختلف معاه لأن الست كائن مختلف عنك، وله كيان زي الراجل، وللأسف زمان اتربينا إن الست أهم حاجة بالنسبة لها البيت ومكنش في وعي إن الست كيان زيك عنده طموح، وأفرض في يوم انفصلت هتبقى دمرت كيان تاني علشان تشبع رغباتك في أنها تشتغل إزاي وما تشتغلش إزاي.
أحمد فهمي وسره الباتع
وخاض أحمد فهمي المارثون الرمضاني هذا العام من خلال مسلسل سره الباتع مع المخرج خالد يوسف ومجموعة كبيرة من الفنانين حيث ضم المسلسل أكثر من 60 نجم ونجمة في العمل.
