الفنانة زينة: ممكن أعيش ببيجامة أو ترنج بس أوفي بكل التزاماتي تجاه أولادي

حلت الفنانة زينة، ضيفًا على الإعلامية إيمان الحصري، ببرنامج مساء dmc، عبر فضائية "dmc"، ثاني أيام عيد الفطر المبارك.

ممكن أعيش ببيجامة أو ترنج بس أوفي بكل التزاماتي تجاه أولادي

وقالت زينة، خلال حوارها: قبل وجود أولادي كنت بشتغل عشان أشتري جزمة أو شنطة ومكنش عندي أي مسؤوليات، ودلوقتي أولادي أولوية عندي، مضيفة: ممكن أعيش ببيجامة أو ترنج بس أوفي بكل التزاماتي تجاههم.
 

زينة عن كواليس العمل مع أبطال جعفر العمدة: كنت منعزلة عنهم لأني لو سبت نفسي للهزار والرغي مش هطلع حاجة

زينة عن دورها في جعفر العمدة: قالوا لي المسلسل كله عندك أختاري الدور اللي يعجبك

وأضافت زينة: أنا حاليا كائن بيتوتي خاصة بعد ما تحملت مسؤولية أولادي، ولكن بحب أعيش حرة وطليقة ولا أقبل فرض أي شيء علي.

أولادي التوأم كل واحد بيعيش في غرفة منفصلة

وأكملت الفنانة زينة: أولادي التوأم كل واحد بيعيش في غرفة منفصلة، خاصة لو واحد فيهم عيان، خوفًا من نقل العدوى لشقيقه، مضيفة: لما واحد منهم بيتعب بينام معايا فالتاني بيتعدي مني.

وتابعت الفنانة زينة: "أولادي بيحبوا اللاعب محمد صلاح أكتر مني، أنا فخورة بنجمنا محمد صلاح ونفسي ولادي يطلعوا زيه".

واستطردت: بخاف من الحسد خصوصًا على أولادي، مضيفة: "ليا مع الحسد حوادث كتير، بس أنا مسلماها لربنا، وبكتفي بقراءة القرآن".