أحمد فهمي: فيه نجم بيعمل ضدي حملات إلكترونية عشان رفضت اشتغل معاه ومش بحبه
تحدث الفنان أحمد فهمي عن رأيه في الحملات الإلكترونية التي أُقيمت ضده خلال الفترة الماضية، على مواقع التواصل الاجتماعي، مشيرًا إلى أنه من أكثر الفنانين المقام ضدهم حملات إلكترونية.
وقال أحمد فهمي خلال ندوته في القاهرة 24: أنا أكثر إنسان في الدنيا أقاموا ضده حملات إلكترونية، مضيفا: وبتبقى باينة أوي واللي بيعملها غبي، وعارف طبعًا مين اللي بيعمل ضدي الحملات.
وأضاف أحمد فهمي: فيه نجم عايزني اشتغل معاه فيلم من بطولتنا وأنا مبحبوش ومش بحب شغله وهو نجم كبير ولكنه مش ذوقي، أنا بحب الناس الحقيقية حتى في الخناق ولما يبقى قدامي راجل لراجل حتى لو شتمنا بعض قدام الناس كلها بحترمه، لكن اللي بيضرب تحت الحزام وبيطلع بالوش الكيوت ده، هو بيحاول يصالحني ولكن مش هتصالح.
أعمال أحمد فهمي
ونافس أحمد فهمي في موسم دراما رمضان 2023 بمسلسل سره الباتع مع المخرج خالد يوسف والفنان أحمد صلاح السعدني، وجسد خلال أحداث المسلسل رجل يدعى حامد، نسبةً إلى اسم أحد الأولياء الصالحين في القرية التي وُلد بها، خلال أحداث المسلسل، كما أنه مأخوذ عن رواية للكاتب الراحل يوسف إدريس.
كما يظهر أحمد فهمي كضيف شرف في مسلسل جت سليمة مع الفنانة دنيا سمير غانم، ولعب دور رجل يدعى المعلم أبو سنة.
