ميار الببلاوي تعلن مقاضاة وفاء مكي: الخادمتين جولي قبل مايروحوا عندها ومشيوا من هناك خلصانين
أعلنت الفنانة ميار الببلاوي مقاضاتها لـ الفنانة وفاء مكي، بعد أزمتها الأخيرة معها، حيث أشارت إلى أن الخادمتين ذهبتا إليها قبل العمل عند وفاء، مؤكدةً أن الأخيرة عذبتهما.
وكتبت ميار الببلاوي منشورًا عبر حسابها الشخصي بموقع التواصل الاجتماعي فيس بوك قالت فيه: يعني البنت مشيت من عند وفاء خلصانة وهى اللي رمتها، وأختها هربت تاني يوم يبقى كلام الشاهد مظبوط يا ناس، ويبقى البنات جولي قبل ميروحوا عندها، وكمان أنا لو كنت قلت اللي أنا كنت فاهماه غلط ساعتها كنت هتحاكم، زي الفنانين الي اتهموا بالشهادة الزور، وفعلًا ولا كان كلامي هيقدم ولا هيأخر.
وتابعت ميار الببلاوي: طيب ليه الست وفاء مطلبتنيش للشهادة؟، وده اللي اتقلي لو محامين وفاء شايفين إن فيه أي ثغرة، كانت طلبتني للشهادة، وبالنسبة لجزئية إني طلعت عينهم علشان أقول الكلام اللي عندي، فأنا قلته بمنتهى الشفافية هل مطلوب مني ألف على كل القنوات والمواقع علشان أقول حاجة لا هي دليل براءة، ولا معايا أي دليل خالص؟!.
ميار الببلاوي تٌعلن مقاضاة وفاء مكي
وأضافت ميار: لما شفت التحقيقات وسمعت شاهد العيان، ربطت الأحداث وعرفت إن الحمد لله البنات نزلوا من عندي على وفاء مش العكس، يعني واقعة التعذيب مؤكدة بعد ماكانوا عندي مش قبل، وبكده يبقى الست مذنبة، والمحكمة والمباحث والطب الشرعي لا غبارعليهم.
واختتمت: سبحان الله مش حق وفاء اللي رجع، حق البنتين اللي شافو قمة العذاب، وربنا يفكهم من رقبتي إنما الأستاذة وفاء واللي طالعة في كل مكان تشوه صورتي، وتبين إني كتمت شهادة كذابة وبيني وبينها القضاء العادل.
