غادة عبد الرازق: ربنا بعتلي إشارات عشان أعمل مسلسل تلت التلاتة.. وتمنيت يكون ليا توأم
تحدثت الفنانة غادة عبد الرازق، عن قصة مسلسسلها الأخير تلت التلاتة، التي شاركت به في موسم رمضان 2023، مشيرةً إلى أنها استوحت قصة التوائم من الواقع.
وقات غادة عبد الرازق خلال ندوتها بالقاهرة 24: كان بقالي فترة بقول لو هنزل رمضان عايزة أعمل حاجة جديدة ومختلفة، وكان جاتلي فكرة التوائم عشان بشوف ناس كتير حواليا منهم، وساعات كنت بلاقي ناس مخلفين 3 توأم، وساعات أمسك التليفون ألاقي برنامج مستضيف 3 توائم نسخة من بعض، فـ حسيت إن دي كلها إشارات من ربنا إني أعمل مسلسل تلت التلاتة.
وتابعت غادة عبد الرازق قائلة: اتفقت من نفسي في الأول إني لو هعمل الفكرة دي، لازم هخليهم التلاتة نسخة من بعض، من غير أي اختلافات جوهرية زي لون الشعر أو العينين، وكنت اتعرفت على الكاتبة هبة الحسيني من فترة قبل المسلسل، فـ عرضت عليها فكرة التوائم وقولتلها عيزاكي تكتبيلي قصة عنهم.
وأضافت غادة عبد الرازق، مشيرةً إلى إنها تمنت بعد العمل أن يكون لها توأم، وقالت: اتفاجئت إن المؤلفة هبة نفسها عندها بنتين توأم فده كمان ساعدها في الكتابة، واكتشتف عموما إن التوائم دول دنيا تانية خالص، واتمنيت وقتها إن يكون ليا توأم.
مسلسل تلت التلاتة
على جانب آخر، يضم مسلسل تلت التلاتة عددج من الفنانين، إلى جانب الفنانة غادة عبد الرازق، أبرزهم الفنان محمد القس، صلاح عبد الله، مصطفى درويش، أحمد مجدي، ليلى أحمد زاهر، مي سليم، نجوى فؤاد، وآخرين، وهو من تأليف هبة الحسيني، وإخراج حسن صالح.
