البلوجر سارة محمد في آخر ظهور لها: هركب عين صناعية.. وعندي أمل في ربنا إني أرجع أشوف
ظهرت البلوجر سارة محمد في مقطع فيديو جديد على صفحتها الشخصية بموقع التواصل الاجتماعي فيسبوك، منذ دقائق قليلة، طمئنت خلاله متابعيها على حالتها الصحية، موضحة أنها في تحسن وستقوم بتركيب عين صناعية، كما طلبت منهم الدعاء لها.
آخر ظهور للبلوجر سارة محمد
وقالت البلوجر سارة في الفيديو، ناس كتير كانت بتسأل عليا الفترة اللي فاتت، علشان اختفيت بس أنا كان عندي دور برد في المعدة، وكنت على طول تعبانه، وأول لما اتحسنت شوية قررت أعمل فيديو، وأوريكوا حياتي ماشية إزاي.
وأضافت سارة، بدأت أعتمد على نفسي، وبالنسبة لدماغي مستمرة على العلاج، والكهربا قلت عن الأول وبقيت أفضل، واتحسنت في شوية حاجات مثل الجبهة، وهركب عين صناعية.
وأكملت: بتابع جلسات الأكسجين الفترة الجاية عشان تحسن من عيني ويكون في أمل في عيني، وعندي أمل كبير في ربنا أني أرجع أشوف تاني، كنت وقفت جلسات الأكسجين ورجعت تاني.
وأوضحت خلال نهاية الفيديو: اللي يشوف مصيبة غيره تهون عليه مصيبته، أنا شوفت حالات كتيرة صعبة خلال علاجي، والحمد لله على كل حاجة، واكيد ربنا بيخترنا علشان لينا مكانة كبيرة عنده، وادعولي يا جماعة أن العصب بتاعي يقوى وأرجع أشوف تاني، والواحد كان عايش في غفلة، و الحمد لله أن ربنا كتب لي عمر جديد، وطالبة انكوا تدعوا للناس اللي جمبي لعم أحمد ورنا، وأنا طلعت الفيديو ده علشان تدعو لهم وأنا مبسوطة منكوا جدا، وبحس أنكوا أخواتي، ويارب أقدر أرد جزء من دعمكم ليا.
