ننشر اعترافات المتهم بقتل مسن روض الفرج: حصل مع المتهمة علاقة غصب عني عشان مراتي ميتة | تحقيقات
كشفت التحقيقات تفاصيل جديدة في قضية مقتل مسن على يد زوجته بمعاونة صديقها بـ روض الفرج، حيث أقرت بوجود اتفاق فيما بينها والمتهمَين على تقديم مشروبات تحوي عقاقير مضادة للاكتتاب ومهدئة ومنومة للمجني عليه، والمعدة والمجهزة من قبل المتهمين الثاني والثالث.
ننشر التحقيقات في قضية مقتل مسن على يد زوجته بـ روض الفرج
وحصل القاهرة 24 على التحقيقات في القضية التي حملت رقم 3869 لسنة 2022، وننشر أقوال المتهم بقتل مسن بمعاونة زوجته في التحقيقات كالتالي:
اعترف المتهم بقتل مسن بمساعدة زوجته أمام رجال التحقيق وقال، أنا عايش على المعاش بتاع وظيفتي ورصيدي في البنك، وأنا راجل عندي 62 سنة وأنا مش متزوج حاليا وكنت قبل كدة متجوز وزوجتي توفيت ومخلف منها مصطفى، وعرفت آية عن طريق إن جدها كان جاري وأوصاني عليها قبل ما يتوفى وكنت بتابع أمور حياتها ومشاكلها مع خلانها.
وأضاف المتهم بقتل مسن بمساعدة زوجته أمام جهات التحقيق: كنت بتصل أطمن عليها طول ما هي خارج البيت وكنت بشوفها لو محتاجة فلوس لأن هي معندهاش مصدر دخل وأهلها مبيصرفوش عليها وكنت بحاول أدخل بينها وبين قرايبها عشان الخناقات اللي بتحصل ما بينهم، وكنت أوقات تانية أجيبها من الشارع وأرجعها البيت لأنها كانت بتبقى هربانة من قرايبها وطفشانة من البيت عشان كان بيجيلها حالات نفسية.
وأكمل المتهم بقتل مسن بمساعدة زوجته أمام رجال التحقيق: أنا بسبب إن زوجتي توفيت من حوالي ثلاث سنوات كنت ضعيف شوية فغصب عني حصل ما بيني وبينها تجاوزات بس كان بإرادتها وبمزاجها كانت بتطلعلي البيت وبتعامل معاها وفي أوقات تانية كنا بنتكلم ماسنجر على الفيس بوك وكانت بتبعتلى صور ليها وفيديوهات مخلة وأنا زي ما قولت أنا كنت ضعيف في الفترة ده وكنت بتجاوب معاها.
