صافيناز: الراجل دايما خاين.. وأمنيتي أدخل بوليوود وأمثل مع شاروخان
قالت الراقصة صافيناز، إنها تعرضت للخيانة من حبيبها، مؤكدة أنها من المستحيل أن تتخلى عن الرقص والتمثيل من أجل رجل، كما كشفت أغلى هدية جاءت لها.
وقالت صافيناز خلال لقائها مع الإعلامي نزار الفارس في برنامجه تابوو عبر قناة دجلة العراقية: أغلى هدية جات لي من خطيبي طاقم ألماس، ولكن سبته لأنه قال لي لازم أسيب الرقص والتمثيل وكل شيء، وأنا رفضت لأن الراجل دايما خاين لكن المسرح مش بيخون وقاعد مستنيني.
وأضافت صافيناز: أنا حبييي خاني، فقررت أسيبه ورقصت جبار من غير مشاكل، وكل ما قلبي يتسكر برقص جبار.
عمري ما رقصت لجوزي
وتابعت صافيناز: ولا مرة رقصت لجوزي مش كفاية أنا رايحة جاية قدامه، أنا برقص للجمهور وهو ما أتجوزنيش علشان أرقص له، لأني شخصيتي على المسرح حاجة وفي البيت حاجة تانية.
واستكملت: مش لازم أتمرن كل يوم إحنا بني آدمين، في أيام كنت برقص في سبع أفراح يعني سبع ساعات، ولو زعلانة بطلع على المسرح سعيدة علشان أبسط الجمهور.
أمنيتي أدخل بوليوود
وكشفت صافيناز أمنيتها قائلة: أمنيتي أدخل بوليوود وأمثل مع شاروخان، وأتمنى تكون أمي معايا طول العمر.
وعن أكثر مشكلة أثرت بها قالت: لما لبست الوان علم مصر وطلعت على المسرح، وأيامها كنت فرحانة أخيرا هنعيش في امان وما كنتش اعرف ان ممنوع الرقص بالعلم.
وعن أكثر شيء يبكيها قالت: حاجة واحدة ممكن تخليني ابكي لما بروح أزور أبويا في المقابر، وهو كان راضي عليا.
صافيناز تتحدث عن علاقتها بوالدها
وتحدثت صافيناز عن علاقتها بوالدها وكيف كان رافضًا لرقصها قائلة: لما كان عندي 8 سنين دخلت في الرقص ماحدش كان يعرف لأن أبويا كان شديد جدا وكان عندنا عادات وتقاليد وعيلة محافظة ومتدينة ومفيش بنات ترقص ولا تغني ولا تمثل ولا بنات تخرج، ولما أبويا عرف العيلة عملت ليا محكمة ووأبويا قال لي لو رقصتي تاني هعمل لك بنزين واولع فيكي وأنا كنت بسمع كلام في كل حاجة الا الرقص.
وأكدت صافيناز أنها لا تصاحب إلا الرجالة المتزوجين، قائلة: صديقي لازم يكون متجوز علشان لما اقابله مع يكون مراته وما يكونش في دماغه نظرة تانية.
وأضافت: أنا بني آدم مش بعرف أعيش من غير مزيكا ورقص، لأن الدكتور بيعالج جسمك والرقص بيعالج روحك.
