إيدي ما سابتش الزناد.. لماذا قتل ياسر زوجته وشقيقها ووالديها وأبناءه الثلاثة بالرصاص في جلسة طلاق؟| خاص
جريمة الإسكندرية.. كشفت التحقيقات في واقعة اتهام شخص بقتل 7 من أسرته في الإسكندرية، أن المتهم أنهى حياة زوجته وأطفاله ووالد زوجته وشقيقها لرفضهم ذهاب زوجته إلى منزله بعد غضبها، وتم اكتشاف الواقعة من قبل شقيقة الزوجة عند ذهابها لمنزل والدتها إثر اتصال الطفل الوحيد الناجي بها، وعندما فتحت باب الشقة فوجئت ببركة من الدماء، وكل أفراد الأسرة جثث هامدة، إلا نجل شقيقتها الأكبر والذي نقل إلى المستشفى بإصابات بالغة.
المتهم بقتل زوجته وأسرتها بالإسكندرية
ويواصل القاهرة 24 نشر التحقيقات واعترافات المتهم أمام جهات التحقيق في القضية قائلًا: أنا كنت في الشغل ورجعت لقيت مراتي سايبة البيت ومشيت كنت نفسي ألاقيها بأي شكل، وتوجهت إلى مديرية الأمن علشان يشوفوا حل، وبعديها بيومين كنت رايح النيابة عشان يشوفوا حل لاقيت حمايا بيكلمني وبيقولي أنا لقيت بنتي وهيجبوها على البيت، وأنت لما تفضى هتلاقيها عندي في البيت واعمل اللي أنت عايزه وساعتها روّحت على البيت علي طول ولاقيت نورهان بتقولي إنها عايزة تتطلق، وأبوها فضل يقولي كلام من زمن فات وجاب اللوم عليا واعتذرت من أجل عيالي
وأكمل المتهم بقتل 7 من أسرته وهم: آسر.ي. عامين، وشقيقتيه وعد 3 أعوام، و"أسيل" 4 أعوام، والـ3 أبناء المتهم وسدد لهم طلقات نارية في الصدر، بجانب قتل زوجته نورهان.م.ا، و"محمد.ال.ح"، حماه، و"سماح.س.ا"، حماته، و"أحمد.م.ال" شقيق الزوجة مصاب بـ13 طلقة نارية في صالة الاستقبال، أمام جهات التحقيقات قائلا: قولتلهم أنا غلطان ونبدأ حياة جديدة بس هما كانوا مصممين على الطلاق والكلام ده كان ٢٠٢٢/٢/١٨ ومن الفترة دي وأنا بتحايل عليهم علشان أرجّع مراتي لكن هما رفضوا.
وأضاف المتهم في اعترافاته أمام جهات التحقيق: لما الأسرة رفضت تديني مراتي أخدت ياسين ووعد معايا عند أمي، ونورهان كلمتني كانت عايزة العيال وأنا كنت في خدمة ساعتها وقولت لزميلي هروح أجيب أكل وآجي وأخدت العيال من عند أمي وروّحتهم على بيتهم وقولتهم يرجعونا لبعض علشان خاطر العيال، وأنا هنسى كل اللى حصل، ونبدأ صفحة جديدة بس هما كانوا مصممين على الطلاق ولقيت أبوها وأخوها اتعرضولي، وأنت مش هتطول العيال وهنأذيك في شغلك، وأنا كنت ساكت وبتذل علشان العيال بس مكنش في فايدة، ونورهان دخلت المطبخ ودخلت وراها قولتلها تعالي روحي معاياـ ردت عليا وقالت أنا مش مروحة وصوتت في المطبخ، وأبوها وأخوها وأمها جم على المطبخ، وأخوها في إيده سيف، ساعتها أنا طلعت طبنجة الميري بتاعتي وضربته طلقة في السقف علشان يخافوا ويرجعوا وما يعترضونيش وعلشان آخد مراتي وعيالي وأنزل بهم من الشقة، وكنت ماسك نورهان علشان أنزل بيها لاقيت أبوها داخل عليا وهو موطي وفي ظهره مراته اللي هي حماتي، وأبوها عايز يلوشني بأي حاجة فأنا قعدت أضرب عليهم نار من الطبنجة وجت في أبوها وفي نورهان اللي كانوا تحت مني وفي نفس الوقت إيدي ما سابتش الزناد.
وكانت قررت الدائرة رقم 34 بمحكمة جنايات الإسكندرية، برئاسة المستشار محمد السيد محجوب إحالة، ياسر.ع.ح، 40 عامًا، إلى مفتي الجمهورية؛ لبيان الرأي الشرعي في إعدامه، وتحديد جلسة 6 مايو المقبل موعدًا للنطق بالحكم؛ لاتهامه بقتل 7 أفراد وهم: "أبنائه الـ3، وزوجته، وحماه، وحماته، وشقيقُها"، عمدًا مع سبق الإصرار والترصد، والشروع في قتل نجله الرابع.
