البلوجر سارة محمد: أنا مش في دار أيتام.. نفسيّتي تعبانة وقررت أبعد عن كل اللي أذوني
بقالي فترة نفسيتي مش كويسة، وبقيت يوميًا بصرخ وبصوت، بهذه الكمات وصفت البلوجر سارة محمد حالتها النفسية في الوقت الحالي، بعد الحادث الأليم التي تعرضت له، وذلك من خلال فيديو نشرته عبر حسابها الشخصي بانستجرام.
البلوجر سارة محمد: أنا مش في دار أيتام ونفسيتي تعبانة وبقيت بصرخ بشكل يومي
في بداية الفيديو كشفت البلوجر سارة محمد حقيقة انتقالها لدار أيتام قائلة: ناس كتير بتقول أنني في دار أيتام، وأنا في الحقيقة مش في دار الأيتام، وكل الفكرة أني مش قادرة أكون في نفس المكان، اللي تعرضت فيه للظلم والقهر، وكمان أنا مش قادرة أكون في المكان اللي فيه ناس تخلو عني.
وعن حالتها النفسية في الوقت الحالي فقالت البلوجر سارة محمد: بقالي فترة نفسيتي مش كويسة، وبقيت بصرخ يوميًا، وأنا كنت بروح لدكتور وبعدي على نفس الطريق لحادثة، كنت بصرخ وبقول الحقوا عاوزين يموتوني، والموضوع تحول إلى ما يشبه الفوبيا.
وتابعت: فأنا قررت أبعد نهائي عن المكان ده، وأبعد عن كل الناس التي تسببت في أذيتي، وكل الناس اللي وصلوني لمرحة وحشة، وأنا غيرت المكان بسبب أنه عملّي مشكلة نفسية، وأنا هنا مبسوطة عند عمي وطنط وبخرج مع أصحابي وبعمل كل حاجة.
البلوجر سارة محمد: خطيبي بيهددني وبيقولي احترمي مرضك
وخلال الفترة الأخيرة أشارت سارة إلى وجود مشاكل بينها وبين خطيبها قائلة: يا جماعة أنا فديت حد بعيني يا جماعة، أنا فديت حد كان جنبي سواء خطيبي راجل غريب أي حد غريب، أنا فديت أي حد بعيني، أنا ما استاهلش إن الشخص ده يبقى مصدر لتدمير نفسيتي، الشخص ده اللي كان خطيبي بيهددني وبيقولي احترمي مرضك عشان خاطر لما الناس سألتني هو أنتِ رجعتي لحياتك القديمة قولتلهم هرجع لحد اتخلى عني.
