هل ستصيبنا فلسفة التشيؤ بسبب الذكاء الاصطناعي؟.. علي جمعة يوضح
قال الدكتور علي جمعة، عضو هيئة كبار العلماء، ومفتى مصر السابق، إن فلسفة التشيؤ تعتبر الإنسان شيئا أي من الأشياء، ولا يوجد تكريم لبني آدم، الذي أمر الله الملائكة بالسجود له لتكريمه، ويعتبرونه شيئا.
هل ستصيبنا فلسفة التشيؤ بسبب الذكاء الاصطناعي؟.. على جمعة يوضح
وأضاف علي جمعة عضو هيئة كبار العلماء، ومفتى مصر السابق، خلال حلقة برنامج مع الناس، المذاع على فضائية الناس، اليوم الاثنين: مفيش أي تكريم للإنسان، في نظرية التساوي، هم بيعتبروه زي البقرة والشجر والحجر، فمن هذا نشأ الطب التجريبي، اعمله سونار، اعمله إشعة، مضيفا: إيه الفرق بقى بين الطبيب التجريبي والطبيب الحكيم، فالحكيم كان بيسأل المريض مالك في حاجة مزعلاك حاسس بإيه، لكن التجريبي بيعتبره زي البقرة والشجرة.
واستكمل علي جمعة: "عالم التشيؤ فلسفة إتوجدت مع التنورين في القرن التاسع عشر ولكنها فشلت، لأن الإنسان استغرب نفسه، ولكن أصبح الناس على طرفين، في ناس قالت مفيش إله ودول بتوع التشيؤ، وفى ناس تاني بتقول فى إله وعقيدة وتكريم للإنسان.
وفى رده هل سيحول الذكاء الاصطناعى الأجيال الراهنة إلى التشيؤ، أجاب: دي معضلة متشابكة جدا علماء الاجتماع بيسموا الجيل بتاع 2005 بحرف z، وجيل 1995 سموه ألفا، وابتدوا يرصدوا كل صفات جيل، فجيل z، تقعد مع أي ولد ولا بنت، تلاقيه راسم الوش الخشب وكأن الاتصال مفقود، ولا يوجد أي تعبير أو لغة جسد، ولما تقوله فاهمني تلاقيه يقولك على كلمة أنت قولتها، لكن مش فاهمها ولا هي ولا اللي بعدها، فالجيل ده مندمج مع الذكاء الاصطناعي إندماج شديد.
