نادية مصطفى عن تصوير أغنيتها في الأهرامات وقصر محمد علي: نظهر صورة مصر الجميلة | فيديو
أعربت الفنانة نادية مصطفى عن سعادتها بـ نجاح أغنيتها الجديدة والتي تحمل اسم يسلملي ذوقهم، مشددة على ضرورة إبراز الأماكن الأثرية الجميلة في مصر، متحدثة عن كواليس تصوير العمل.
نادية مصطفى: تمية الأغنية مصرية
ووجهت الفنانة نادية مصطفى الشكر لـكل القائمين على كليب يسلملي ذوقهم، وذلك خلال حوارها مع القاهرة 24، معربة عن سعادتها بـ نجاح الأغنية وذلك بعدما تخطت المليون مشاهدة عبر موقع الفيديوهات الشهير يوتيوب، مضيفة: سعيدة وفرحانة بـ نجاح أغنية يسلملي ذوقهم، وبشكر كل القائمين عن العمل من مصور ومؤلف ومخرج وشركة الإنتاج، والحمد لله ربنا بعتلي الغنوة دي وأنا راضية الحمد لله بيها.
كما أكدت نادية مصطفى، أنها اختارت تصوير كليب أغنية يسلملي ذوقهم في قصر محمد علي باشا وأهرامات الجيزة، وذلك حتى تكون صورة الكليب مصرية مثل باقي أركان العمل، موضحة: اخترت أنا والمخرجة التصوير في قصر محمد علي باشا والأهرامات عشان تيمة الأغنية مصرية، وكنا عايزين الأغنية مصرية أوي، وعشان اللحن والروح والكلام مصري، فلازم كمان الصورة تكون مصرية، لذلك اختارنا الأماكن دي.
وأضافت نادية مصطفى: في واحد أجنبي شاف الكليب وعمل كومنت قال فيه أنه عجبته الأغنية ويتمنى زيارة مصر، وبشوف لو مكناش نسوق لبلدنا مين هيسوق؟ والحلو إننا نصدر صورة مصر الجميلة، والعالم كله بييجي مصر يتفرج ويصور ويبقى فخور أنهم في مصر، فالعيب إننا منصورش الأماكن الحلوة، ونختار مشاهد مش حلوة ونقول إن ده الواقع، لا الواقع مش كدا.
وتابعت: في ناس قاصده أنها تبين الصورة الوحشة في مصر، واحنا كفنانين لازم نراعي الصورة الحلوة في مصر ونشتغل عشان بلدنا، ولازم كل أعمالنا تبقى كدا، نعزز بيها شكل مصر قدام العالم كله.
