رغم انفصالهما.. أسما شريف منير تشكر طليقها بعد دعمه لابنتهما: شكرًا لوجودك في حياة بنتك
وجهت الإعلامية وخبيرة التجميل أسما شريف منير، رسالة شكر إلى طليقها محمد السكري بعد حضوره عرضا مسرحيا لابنتهما وذلك رغم انفصالهما.
وشاركت أسما شريف منير، مجموعة من الصور عبر حسابها الشخصي بموقع تبادل الصور والفيديوهات القصيرة انستجرام، وعلقت: كل حاجة في الدنيا بتهون لما بشوفك في لحظات نجاحك، هنفضل دائمًا في ضهرك لحد لما نعجز أنا وبباكي، يا رب إدينا الصحة ونشوفك في أعلى الأماكن وبتحققي كل أحلامك، بنحبك يا حياتي.
وتابعت أسما شريف منير: هفضل أشكرك طول عمري على نبلك ووجودك في حياة بنتك عشان أنت من أرقى الأشخاص القليلين في الدنيا.. ربنا يخليك ليها وتفضل ضهرها وسندها.
وعلى جانب آخر، علقت أسما شريف منير في وقت سابق، على إطلالتها التي ظهرت به في الدورة 44 لمهرجان القاهرة السينمائي.
وقالت أسما شريف منير في تصريح لـ القاهرة 24: هو إيه الدريس كود ده.. أنا مش عارفة، وكل الناس بتكلمنى عليه.. أنا معملتش حاجة ولابسة فستان عادي جدا وسيمبل، لكن مثير للجدل.
الاستايل مفيهوش حاجة مثيرة
وتابعت أسما شريف منير: يمكن عشان فكرة الطرحة اللي على شعري، والناس مش متعودة عليها، بس الاستايل مفيهوش حاجة مثيرة لأي حد.
وكانت كشفت أسما شريف منير حقيقة الخلاف مع والدها، وهو النبأ الذي انتشر مؤخرًا عبر صفحات رواد وسائل التواصل الاجتماعي.
وأشاروا إلى أن الخلاف انتهى، بإلغاء متابعة كل منهما البعض على موقع انستجرام.
وأوضحت أسما شريف منير لـ القاهرة 24، على هامش حضورها العرض الخاص لفيلم الدعوة عامة: إحنا لسة كنا في الساحل، وده العادي بين الأهل لكن مفيش حاجة كبيرة يعني، وعادي زي بردو ما كل حد بيقفش على حد وبيعمل إلغاء متابعة للتاني، وأنا اللي صالحته وهو كبيري فلازم كنت أصالحه، وأنا مقدرش أعمله بلوك.. هو يعمل عادي.
