أزهري: العقد اللي بينك وبين المؤسسة اللي أنت شغال فيها ده عقد بينك وبين ربنا الأول
قال الداعية الإسلامي الدكتور أسامة قابيل، من علماء الأزهر الشريف، إن العمل إطار مقدس، لأن الله سبحانه وتعالى مطلع على كل عامل وموظف ويراقبه، مستشهدا بقوله تعالى: "وَقُلِ اعْمَلُوا فَسَيَرَى اللَّهُ عَمَلَكُمْ وَرَسُولُهُ وَالْمُؤْمِنُونَ".
أزهري: العقد اللي بينك وبين المؤسسة اللي أنت شغال فيها ده عقد بينك وبين ربنا الأول
وتابع العالم الأزهري، في تصريحات تلفزيونية، اليوم الاثنين: أنا رايح شغلي النهارده بنية إيه، ربنا شايفني، (سيرى الله)، رايح بنية الكروتة ولا التنفيض، وكسول وعندي لا مبالاة، ومش عاوز أتعاون واشتغل، مضيفا: فكرة العقد المبرم الموجود بينك وبين المؤسسة اللى أنت شغال فيها، ده مبرم بينك وبين ربنا الأول، ربنا مطلع عليك وشايفك وهيحاسبك على عملك ده، رايح وأنت صادق وكاتم للأسرار ومخلص في عملك، وتعمل في إطار الأخلاق ومراقبة الله لك.
أزهري: زميلة العمل أجنبية عن زميلها والتعامل معها يكون بمشاعر الجدية والالتزام
واستكمل العالم الأزهري: مفيش شركة مفيهاش تعاون بين زميل وزميلة بيعملوا مع بعض، إذن لا يوجد تمييز بين الراجل والست، في إطار عام اسمه الاحترام والتعاون، فلازم تعرف إن زميلتك في الشغل أجنبية عنك، لازم وأنت في شغلك تفرق بين مشاعر الأسرة، بين والدك ووالدتك وزوجتك وأبنائك، وبين مشاعر الزمالة للزملاء والزميلات في العمل، التي تخضع للجدية والالتزام وروح العمل الواحد، لازم تعرف إن زميلتك أجنبية عنك، فلما تكون مدير عمل وعندك موظفة جديدة لازم تعطي أوردر للناس تساعدها في العمل ويعلموها ويخلوها تنجح في عملها، لما تعمل كده هتفرحها وبالتالي هتأخذ أجر وثواب من عند الله، ما دام كل ده في إطار أخلاقي يراعي فيه الله.
