بعد نشر القاهرة 24.. التضامن تستجيب وتبحث شكوى فتاة دار الفتح للأيتام
استجابت وزارة التضامن الاجتماعي، لاستغاثة ياسمين عادل، إحدى فتيات دار الفتح للأيتام في منطقة المعادي للأيتام، عبر القاهرة 24، بعد زيارة موظفين من الوزارة للدار لإفادتهم بمهلة 3 شهور قبل إخلاء الدار، وتوفير شقق سكنية بنظام الإيجار لهن، واستخدام القوة مع من يرفض الخروج من الدار.
وعلى الفور، تواصلت وزارة التضامن الاجتماعي، مع الفتاة لبحث الشكوى، ومن المقرر أن تذهب مجموعة من فتيات الدار إلى مقر وزارة التضامن الاجتماعي بالعجوزة، لمقابلة المسؤولين والبت في الشكوى وبحث سبل تقديم الرعاية الفضلى لهن، وفقًا لتصريحات مصدر مطلع بالوزارة لـ القاهرة 24.
أمامكم مهلة 3 شهور ولو لم تخرجوا من الدار هتترموا في الشارع، ومن يرفض الخروج سيخرج بالقوة من المكان.. بتلك الكلمات هددت إحدى موظفات وزارة التضامن الاجتماعي خلال زيارتها لـ دار الفتح في منطقة المعادي بالقاهرة منذ 3 أيام مضت المقيمات بالدار، لتخبرهن بمهلة 3 أشهر لإخلاء الدار، تنفيذًا لاتجاه وزارة التضامن الاجتماعي إلى لا مأسسة قطاع الرعاية الاجتماعية، وفقًا لحديث إحدى فتيات الدار مع القاهرة 24، والتي تدعى ياسمين عادل.
وقالت الفتاة العشرينية: كلنا فتحنا عينينا على الدنيا في الدار.. فجأة الدنيا اتقلبت والدار اتقلب زعيق وصريخ وخناق ومرينا بيوم أسود بعد زيارة الموظفين، مرعوبين وخايفين نترمي في الشارع، الموظفين قالوا إن معاهم قرار وزاري بخروجنا من الدار، وحتى البنات اللي ما استلموش الشقق هيعرضوا على شقق إيجار، إحنا كنا عارفين إننا قاعدين لحد ما كل واحدة فينا تستلم شقتها وتبدأ تستقل بذاتها، في يوم وليلة كله اتغير واللي مش هتسمع الكلام هددوها بقطع المياه والكهرباء والمرافق عن البيت، قبل خروجهم بالقوة من بيتنا.
وتتابع: الموظفون قالوا إن الوزارة هتقوم بدفع إيجار الشقق، ولكن مفيش أي إثبات على تأكيد حدوث هذا، وعند سؤالنا الموظفة على أي إثبات بخروجنا من المكان ودفع الوزارة لإيجارات الشقق، قالت لا تستطيعوا الاطلاع على إثبات، وقالت خلاص هتمشوا وقدامكم مهلة 3 شهور ولو ممشيتوش هتترموا في الشارع، واللي هيرفض هيطلع بالقوة من المكان.. حسب كلام الموظفين هنطلع على شقق إيجار والبنت هتاخد ألفين جنيه في الشهر لتغطية المصاريف، هنطلع فين؟ مفيش أمان وحاسين إننا مهددين، معانا بنات في عمر الـ 17 سنة هيخرجوا يروحوا فين وهيعيشوا إزاي ؟!
