معنديش مشاكل مع حمو بيكا وأمي مسيرة من السعي والاجتهاد.. أبرز تصريحات محمد شاهين
حل الفنان محمد شاهين، ضيفًا على الإعلامية ياسمين عز في برنامجها كلام الناس، المذاع عبر شاشة إم بي سي مصر، وخلال لقائه كشف العديد من الأسرار حول مشواره الفني، إلى جانب حديثه عن أسباب عدم زواجه حتى الآن.
نستعرض لكم في هذا التقرير أبرز تصريحات محمد شاهين
-بدأت حياتي كوافير رجالي.. وكنت بنزل أغني في الأفراح.
-فيه جواز صالونات بينجح أكتر من الجواز اللي بيكون عن حب.. ومتجوزتش لأني بحكم عقلي.
-معنديش مشاكل مع حمو بيكا خالص.. وعملت تراك أغنية معاه من فترة كبيرة والأغنية منزلتش.
-والدي كان من أطيب الناس اللي شوفتها في حياتي.. وأمي هي مسيرة من السعي والاجتهاد.
-روحت دبي مثل أي فنان وفجأة طلعت إشاعة إني هعيش فيها وده كان غير صحيح.
-طبيعي أنه في الشغل هتلاقي أعداء لكن اللي يزعك لما يكون قريب منك هو اللي بيطلع الإشاعة.
-أول ما ربنا كرمني جوزت أختي وسددت الديون بتاعتنا وعملت عمرة لأبويا.
أعمال محمد شاهين
يذكر أن آخر أغاني محمد شاهين هي لون باهت، وطرحت على قناته الرسمية بـ يوتيوب منذ شهر، والأغنية من كلمات محمد شافعي وألحان وتوزيع إسلام رفعت.
وجاءت كلمات أغنية لون باهت، كما يلي: دايمًا زعلان وكأنك كاره أيامك، جواك أحزان ومحدش حاسس أحزانك، على طول سرحان بتداري في إيه، أيام وخلاص بتحب وتعشق بسذاجة، ملقتش أمان نفسك تلاقيه، بتدمع ليه والدنيا في عينك لون باهت، طب حاسس إيه أتكلم طيب ليه ساكت، جرب تحكي فضفضلي ياقلبي وقول مالك، بتبان مبسوط غزاي وأنا عارف أحوالك.
