هند عاكف: أختار أدواري بعناية ومقبلش أقدم إغراء.. وكانوا بيقولوا عني الجوكر
كشفت الفنانة هند عاكف عن خطوطها الحمراء خلال أعمالها الفنية، مؤكدة أنها كانت ترفض تقديم مشاهد الإغراء ولكن هذه المشاهد ليس لها وجود في الوقت الحالي سواء بالسينما أو الدراما.
وقالت هند عاكف في لقائها مع القاهرة 24: أنا دؤوبة جدًا وبختار أعمالي بدقة، ولما ييجي العمل المناسب والدور المناسب أكيد مش هتأخر وأكيد هشتغل، المهم يكون عمل كويس وبيناقش قضية والإنتاج يكون كبير علشان تبقى فعلًا ناجحة، ويكون النص حلو والمخرج كويس.
وتابعت: الفنان بيعمل كل الأدوار والحاجة الوحيدة اللي مكنتش بحب أقدمها هي أدوار الإغراء ودلوقتي مبقتش بتتعمل، أنا الحمد لله كانوا زمان بيقولوا هند عاكف جوكر بتعمل كل الأدوار ولكن المهم يكون دور حلو وقوي ومكنش خجلانة وأنا بقدمه.
وأضافت هند عاكف: الخطوط الحمراء مبقتش موجودة دلوقتي اللي كنت برفضه زمان أدوار الإغراء والمشاهد الساخنة، والخط الأحمر بالنسبة ليا إني أقدم دور يسيء للمجتمع.
هند عاكف: ربنا حماني من الحادث وعملت تجميل رباني
وسبق وأن تحدثت الفنانة هند عاكف عن تفاصيل حادث السير الذي تعرضت له، وقالت في تصريحاتها لـ القاهرة 24: والله ربنا اللي حماني من الحادث والتجميل اللي حصل من عند ربنا مش مني أنا، وربنا حماني وخلاني على قيد الحياة، وبشكر كل زملائي والإعلاميين اللي سألوا عليا والصحفيين أصدقائي اللي طمنوا الناس عليا.
واستكملت: بشكر زملائي الفنانين واللي كلموني منهم الدكتور أشرف زكي والفنانة نهال عنبر، ومنال سلامة، عبير منير، أمل رزق، وفاء مكي، ناس كتير مش عايزة أنسى حد، والحمد لله أنا سعيدة بحب جمهوري وزملائي ليا.
