أمين الفتوى: المصريون لديهم يقين إن دعاء الوالدين مستجاب
حذر الدكتور عمرو الورداني، أمين الفتوى بدار الإفتاء المصرية، من دعاء أحد الوالدين على أبنائهم، قائلا: "إحنا ماشيين بدعاء الوالدين، أو ساعات يقول إحنا أكتر حاجة مماشيانا وحفظانا هو دعاء الوالدين، المصريين عندهم يقين إن دعا الأم مثلا والوالدين عموما مستجاب".
وتابع أمين الفتوى، خلال إحدى الحلقات على قناة فضائية اليوم، الجمعة: "حذرنا حضرة النبي -صلى الله عليه وسلم- فقال لا تدعوا على أنفسكم ولا تدعوا على أولادكم ولا تدعوا على خدمكم ولا تدعوا على أموالكم. ليه؟ حتى لا توافقوا من الله ساعة يسأل فيها عطاء فيستجاب له، الحديث اللي أخرجه الإمام أبو داوود في سننه.
الدعوة مستجابة على أولادنا
واستكمل: "خلى بالك أن في وقت أنت لازم تعرف فيه أن فيه دعاء مستجاب، فمتدعيش على أولادك، فعرفنا إن الدعوة مستجابة على أولادنا، ولذلك ثلاث دعوات مستجابة. ثلاث دعوات مستجاب، لا شك فيهن. دعوة المظلوم ودعوة المسافر
ودعوة الوالد على ولده، برضوا سيدنا أبو داوود والإمام الترمذي أخرجه هذا الحديث، يبقى إيه اللي حاصل؟ يبقى إحنا خلاص المصريين استقروا في قلوبهم إن دعا الوالدين مستجاب، وإيه اللي حاصل؟ وبالتجربة بقي. بالتجربة أنا أعرف ناس كثيرة يقول لك أنا مرة نزلت من غير ما والدتي تدعي لي اليوم كله حصل فيه مشكلات كبيرة، فهم خلاص استقر في وجدانهم إن إحنا ما نقدرش نعيش من غير دعا الوالدين".
وأضاف: "المصريين يحسون أن دعاء الوالدان كده اللي ساترهم في الدنيا، مهما عملوا من مجهود وسعوا على أحلامهم وماشيين في حياتهم يحسون إن كل همه من غير دعاء الوالدين مش هيكون له قيمة، عارف ليه؟ المصري ما يقدرش يعيش من حياته من غير ما يحس إن في كده حنان ربنا ورحمة ربنا، فكان الوسيلة اللي بينه وبين رحمة ربنا وحنان ربنا هو دعاء الوالدين".
