ابنة نجيب الريحاني: أبويا كان بيحب الستات زي فاطمة رشدي.. ونفسي يتعمله تمثال ومحدش عبرني | فيديو
كشفت جينا نجيب الريحاني، ابنة الفنان الراحل نجيب الريحاني عن علاقة الأخير بـ الفنانة الراحلة فاطمة رشدي، والفنانة الراحلة بديعة مصابني.
وقالت ابنة نجيب الريحاني في بث مباشر نشرته الإعلامية سهير جودة على حسابها الشخصي بموقع فيس بوك، إن والدها الراحل نجيب الريحاني كان يحب النساء، وأن والدتها الراحلة نشب بينها وبين الراحلة فاطمة رشدي مشاكل بسبب الغيرة.
وأوضحت ابنة نجيب الريحاني: بابا كان بيحب الستات، وماما كانت بتغير منهم زي فاطمة رشدي وأخواتها لما كانوا صغيرين، وبديعة مصابني لأ، مكنش فيه بينه وبين بديعة مصابني إلا شغل بس، وماما مكنش عندها مشاكل غير ما فاطمة رشدي وأخواتها الاتنين، وكانوا بيهربوا من بيتهم وييجوا يمثلوا في المسرح.
ابنة نجيب الريحاني: نفسي في تمثال لـ والدي ولكن محدش بيعبرني
وسألتها الإعلامية سهير جودة عن أمنيتها في عمل تمثال لـ والدها الراحل نجيب الريحاني، ردت جينا: كان نفسي ومحدش عبرني خالص، ومش عارفة أعمل أيه ومش عارفة حد أنا في حالي، وحلي الوحيد إني أتكلم في الجورنال والتليفزيون.
وأضافت ابنة نجيب الريحاني: روحت مدرسته في باب الشعرية، وملقتش حاجة له، زمان قبل القرن الـ 20 لما روحت كنت بلاقي صورته وشهادته إنما دلوقتي لا.
كما تحدثت جينا ابنة الراحل نجيب الريحاني عن الأعمال التي تفضلها لـ والدها الراحل، مؤكدة أنها تفضل فيلم لعبة الستات، لأنه أول عمل شاهدته لوالدها في السينما، وقدمه عام 1946.
موضحة: الفيلم إنتاج سنة 46، وأول مرة شوفته كانت في 46، وكل مرة بشوف فيها الفيلم كنت بشوف والدي نجيب الريحاني قدامي، والفيلم اتصور في ميدان الهضبة، وروحت هناك عشان أحط صورته، وقولت للمسؤولين هناك واستجابوا، لأن في ناس بتسأل هناك هل فعلا نجيب الريحاني صور فيلم لعبة الست هناك قالوا أيوه، وجبنا صورتين اتحطوا هناك بعد ما خدت إذن المسؤولين.
