لمسني من ضهري ولما اعترضت قالي أنا زي بابا.. فتاة تتهم بائعا بالتحرش بها في متجر بروكسي
قالت فتاة تدعى فرح، إنها تعرضت للاعتداء والتحرش من قبل أحد الأشخاص صاحب متجر بمنطقة روكسي.
جاء هذا في مقطع فيديو على حسابها الشخصي عبر تطبيق تيك توك، والذي يتابعها فيه أكثر من 30 ألف شخص.
وقالت فرح خلال الفيديو، إنها تعرضت للتحرش من قبل رجل ثلاثيني يعمل بأحد المتاجر بمنطقة روكسي، محذرة: كنت في محل إكسسوارات، وأول ما دخلنا لقينا الراجل بيقول بس لأي واحدة فينا يا حبيبتي، واعترضنا على الكلمة في الأول، بس قلنا عادي دي طريقة بياعين.
وأضافت فرح خلال المقطع: كان في ستاند نضارات وعشان نضارة وقعت، بدل ما يقول لواحدة فينا تجيبها، مد إيده ولمس ضهري، واعترضت قلتله انت خبطتني في ضهري، رد وقالي انتي زي بنتي، اعترضت وقلت مش من حقك تلمسني عشان أنت قد بابا.
وتابعت فرح عبر مقطع الفيديو بـ تيك توك: روحنا زعقنا معاه، وفجأة طردنا وقالنا يلا اطلعوا برا، وكل اللي في المحل بقوا يسكتونا ويقولولنا خلاص يا بنات، لكن الراجل قعد يزعق معانا ويقولنا انتوا جيل مش متربي، وأنا خفت جدًا، لأن الراجل كمان جري ورانا، ووالدتي جت عشان تلحقنا.
واختتمت فرح حديثها: أي حد يروح المكان ده يعرف إنهم قاصدين يعملوا كده، والراجل ده كان جاي يضربني، عشان بقول مش من حقه يلمسني.
