أحمد سعد عن انتقاد سمية الخشاب لإطلالته الشفافة: من جمهوري وعايزة مصلحتي.. ورقصها على أغنيتي تشجيع ليا
تحدث الفنان أحمد سعد على تعليقات طليقته الفنانة سمية الخشاب على إطلالته الشفافة، والتي ظهر بعد في حفله بمدينة جدة وطالته العديد من الانتقادات اللاذعة.
وقال أحمد سعد على هامش حضوره حفل توزيع جوائز ميدل إيست ميوزك أورد MEMA في مدينة العلمين الجديدة: سمية الخشاب تقول اللي هي عايزاه، وكل واحد يقول اللي هو عايزه وهما كلهم جمهوري وكلهم ناس عايزين مصلحتي، وإنها ترقص على أغنيتي أكيد هي بتحب تشجعني دايمًا وأكيد بتحبلي الخير وإني أكون ناجح، وأكيد الناس مش عايزة تصطاد ليا الأخطاء، كلهم عايزنّي أبقى أحسن وبقيت بالفعل.
كما تحدث أحمد سعد عن زوجته علياء بسيوني، قائلًا: طبعًا هي السر الأكبر والأعظم في نجاحي وربنا يخليها ليا ويخلي ليا بنتي علشان بنتي مهمة جدًا.
أحمد سعد عن إطلالته الشفافة: لو فيه حاجة شبك هخيطها على إيدي
كما علق الفنان أحمد سعد على الانتقادت التي طالته بسبب إطلالته الشفافة في حفله بمدينة جدة في المملكة العربية السعودية، قائلًا: أنا بشكر كل الناس اللي هاجمتني، لأنهم شايفين إني فرد من أسرتهم وواحد منهم ومارضيوش عليا كده إني ألبس حاجة وحشة، حسيت إني جوا كل بيت وجوا كل أسرة، مش هظهر كده تاني، ولو في حاجة شبك هخيطها أنا على إيدي.
وأردف أحمد سعد: الناس شايفنِّي في حتة تانية وجوا بيوتهم وأسرتهم، ياما ناس لبست كده ولبست حاجات تانية، ولكن أنا فعلًا مش الناس اللي بتصر على الحاجات الغلط، وبطلع أقول أنا غلط طالما معجبهمش.
