أبرز تصريحات بوسي التليفزيونية: عملت عملية تجميل في مناخيري.. وعندي أزمة ثقة بالبشر
حلت المطربة بوسي، ضيفة على أحد البرامج التلفزيونية، وخلال لقائها كشفت العديد من الأسرار حول مشوارها الفني، إلى جانب حديثها عن علاقتها بوالدها، مؤكدة أنها كانت تساعده باستمرار حتى قبل وفاته معربة عن استيائها بسبب خروج خلافهم إلى العلن.
أبرز تصريحات بوسي التليفزيونية
-فيه ناس استغلوا أبويا وقت الأزمة وحاربوني بيه.. ومحدش قالي إنه مات.
-علاقي بـ أبويا مش محتاجة إني أبررها ولا أوري للناس بساعده وبسأل عليه ولا لأ دي علاقة أب بـ بنته.
-ميخصش سعد الصغير روحت جنازة أبويا ولا لأ.. مطلبتش منك تدخل.
-عرفت بوفاة أبويا بعدها بيومين كنت تعبانة ومش حاسة بالذنب.
-طليقي بيقول أنه صرف عليا جيبوا صوري زمان وشوفوا شكلي.. ده منظر واحدة اتصرف عليها؟
-أزمتي مع طليقي كسرتني وهو كان سبب المشاكل.. كلنا فينا عيوب ولكن مبضرش حد أنا بؤ على الفاضي ومبعرفش أذي.
-أنا اتجوزت وأنا عندي 19 سنة.. وطليقي كان قافل عليا ومانعني من أهلي علشان محدش ياخد منه السبوبة.
بوسي: عندي أزمة ثقة في البشر
- تعرضت لخيانات كتير في ناس كنت اعتبرهم من أهلي.. وعندي أزمة ثقة بالبشر.
-فلوس الغناء أكثر من التمثيل.. والمخرجين شايفني في حتة معينة.
- أفلام السبكي نفعتني بالغناء وكان ممكن يستغلني أحسن في التمثيل.. واعتذرت عن مسلسل مع ياسر جلال.
-عملت عملية تجميل في مناخيري وحاليا مرتاحة نفسيا، وحاسة شكلي أحلى ومبقتش أضايق من التنمر.
-الدنيا جت عليا كتير.. وبعيّط في حضن جوزي من ضغوط الحياة.
