للمرة الثانية.. حسن شاكوش يحيي حفلًا للسيدات فقط في الساحل الشمالي ثاني أيام عيد الأضحى
يحيي مطرب المهرجانات حسن شاكوش، حفلًا غنائيًا للسيدات فقط في الساحل الشمالي وذلك للمرة الثانية، يوم الخميس المقبل 29 يونيو وهو ثاني أيام عيد الأضحى.
ومن أبرز شروط الحفل عدم وجود الرجال في الحفل، حيث إن ذلك الشاطئ مخصص للسيدات فقط.
ولم يكن هذا الحفل الأولى من نوعه الذي يحيه حسن شاكوش، حيث أحيا من قبل هذا الحفل بنفس المكان العام الماضي.
أزمة حسن شاكوش
وعلى جانب آخر، أثار حسن شاكوش جدلًا واسعًا بسبب أزمته مع زوجته ريم طارق، والتي وصلت إلى المحاكم، مؤكدًا أنه لن يتحدث عن الأزمة لأنها تخصه وتخص أهل بيته وعرضه.
وأوضح حسن شاكوش في لقاء تليفزيوني: أي حاجة شخصية مش هينفع أتكلم فيها لأن في الأول والآخر لو اتكلمت هتكلم على عرضي ودي حاجة شخصية بيني وبين بيتي، واللي حصل معانا حسد، لأن الفرح بتاعي أكيد لازم يتحسد، ده انت نفسك ممكن تحسد نفسك، وأكيد فرحي اتحسد وكلنا اتحسدنا والحمد لله على كل شيء.
ووجه حسن شاكوش رسالة إلى منتقدي أزمته مع زوجته قائلًا: دي مسائل شخصية ويا ريت اللي ما يعرفش حاجة ما يتكلمش، لأن أنا اللي عايش وأنا اللي شايف كل حاجة ومحدش عارف حاجة ويا ريت اللي بيتكلم يقول كلمة الحق في الأول والآخر اللي هتعمله هيقعد ليك ولعيالك وطالما مشافتش حاجة ماتتكلمش، لأن لو ظملت هتتظلم في أعز ما ليك، فاتقي الله في عيالك وفي نفسك وفي بيتك وما تتكلمش على حد ما دخلتش بيته.
