هنا الزاهد عن المنافسة بين أفلام موسم عيد الأضحى: هدخلهم كلهم
كشفت الفنانة هنا الزاهد، رأيها في المنافسة القوية في موسم أفلام عيد الأضحى 2023، والتي تشارك من خلالها بفيلم مستر إكس، مع زوجها الفنان أحمد فهمي.
وقالت هنا الزاهد خلال لقائها مع القاهرة 24: المنافسة قوية جدًا، بس أنا هدخل كل الأفلام، ومبروك لكل الناس وربنا يوفق الجميع، وأكيد ده حلو للجمهور إنهم يشوفوا أفلام مختلفة.
وتحدثت هنا الزاهد عن مسلسلها المنتظر عرضه، سيب وأنا سيب، قائلة: مسلسل سيب وأنا سيب هيتعرض خلاص يوم 22 من شهر يوليو، وصورناه في لبنان شهرين وخلاص هيتعرض قريب أهو إن شاء الله.
وكانت هنا الزاهد، أعربت عن سعادتها بالتعاون مع فريق عمل فيلم مستر إكس، وبالأخص زوجها الفنان أحمد فهمي، وقالت: بحب أوي الشغل مع أحمد فهمي وهو مجتهد أوي وممثل ومؤلف شاطر، وبحس إني في أمان وأنا معاه وما بكونش شايلة هم حاجة.
وعن التعاون مع أبطال العمل، قالت هنا الزاهد: هما كلهم صحابي أوس أوس ومحمد أنور وبيومي فؤاد، حبيتهم كلهم وكمان كنت أعرفهم من قبل كدة، فكنا متحمسين وإحنا بنعمل الفيلم وسافرنا مع بعض.
العرض الخاص لفيلم مستر إكس
وأُقيم أمس، العرض الخاص لفيلم مستر إكس، في أحد مولات منطقة 6 أكتوبر، بحضور أبطاله أحمد فهمي وهنا الزاهد، كما حرص على حضوره عدد من الفنانين، أبرزهم الفنانة رانيا يوسف، هنا شيحة، مي نور الشريف، محمد أسامة الشهير بـ أوس أوس، وغيرهم.
