أحمد فهمي: تحضيرات فيلم مستر إكس استغرقت سنة ونص.. والمنافسة بين أفلام العيد قوية
تحدث الفنان أحمد فهمي، عن فيلمه الجديد مستر إكس، مشيرًا إلى أنه استغرق عام ونصف لتحضيره، متمنيًا أن ينال إعجاب الجمهور.
وقال أحمد فهمي خلال حواره مع القاهرة 24: إن شاء الله الفيلم يعجب الناس، ويعجبهم المجهود المبذول فيه، الفيلم بنحضرله وبنصوره بقالنا سنة ونص، اهتمينا بكل تفاصيله.
وأضاف: الفيلم كان صعب جدا في تنفيذه، لكن الكواليس كانت حلوة عشان كلنا أصلا أصحاب حتى لو اليوم والمشاهد صعبة.
كما تحدث فهمي عن التعاون مع مخرج فيلم مستر إكس: أحمد عبد الوهاب دي أول تجربة إخراج له، ولكن اشتغلنا مع بعض قبل كدة في مسلسل ريّح المدام وكان ساعتها مخرج منفذ.
أحمد فهمي يتحدث عن المنافسة بين أفلام العيد
واستكمل أحمد فهمي حديثه، مؤكدًا أن المنافسة هذا الموسم قوية، وقال: المنافسة قوية جدًا، ومفيش فيلم نص نص، بس إن شاء الله كلنا نشتغل كويس ونعمل أرقام، الترتيب مش أهم حاجة، لكن الأهم إن كل فيلم يعمل أرقام كويسة.
وعن ظهور أكثر من ضيف شرف بفيلم مستر إكس، قال أحمد فهمي: أنا مش بجيب ضيوف شرف إلا لما كل واحد دوره يكون متوظف كويس جدًا، وبشكرهم كلهم، جاملوني ووقفوا جنبنا.
فيلم مستر إكس
وأقيم أمس الثلاثاء، العرض الخاص لفيلم مستر إكس، في أحد مولات منطقة 6 أكتوبر، بحضور أبطال العمل، أحمد فهمي وهنا الزاهد، وعدد آخر من الفنانين، من بينهم الفنانة رانيا يوسف، هنا شيحة، وآخرين.
