المتهمة بقتل زوجها بالشرقية: نفسيتي تعبت من اللي بيعمله زوجي فرحت لأبويا قلتله على 6 قزايز بنزين وولعت فيه
خطة دبرتها عزة.ع للتخلص من زوجهابائع المشروبات الساخنة، ومُقيم بقرية المجفف بدائرة قسم شرطة ديرب نجم بـ الشرقية، بعد أن بيَّتت النية وعقدت العزم على قتله، وأحضرت لذلك الغرض عدد ست زجاجات تحوي مادة معجلة للاشتعال جازولين، وما إن اطمأنت إلى استغراقه في النوم حتى سكبت بجانب مضجعه أرضًا المادة المعجلة للاشتعال مشعلة إياها باستخدام قداحة بحوزتها فامتدت إليه النيران وأحرقته وأحدثت ما به من الإصابات الموصوفة بتقرير الصفة التشريحية المرفق والتي أودت بحياته قاصدة من ذلك قتله على النحو المبين بالتحقيقات.
اعترافات المتهمة بقتل زوجها وحرق جثته بالشرقية
ويواصل القاهرة 24 نشر نص التحقيقات في القضية التي حملت رقم 9743 لسنة 2023 كلي جنوب الزقازيق والمتهمة فيها عزة.ع.
وأمام جهات التحقيق وقفت المتهمة عزة تروي كيف تخلصت من زوجها قائله: أنا زهقت منه من كتر الضرب وصعبت عليه نفسي فروحت على بيت أبويا ثاني وقولت لأبويا محمد عايزة ست قزايز بنزين قالي ليه قولت له هوه عاوزهم علشان واحد صاحبه طالبهم منهم فقالي بلاش يا بنتي لا يكون عاوز يولع فيكي فأنا قولت له لا ده هوه عايزهم لواحد صاحبه وقولت له محمد هيبقى يعدي عليك ويحاسبك.
وتابعت: أخدت البنزين ورجعت البيت وساعتها حطيت ثلاث قزايز على الكومدينو وفضيت ثلاثة على الأرض ومسكت الولعة وروحت مولعة في البنزين وروحت قافلة الباب بتاع الأوضة وخرجت من الشقة وأنا خارجة سمعت صوت الفرقعة صوت جامد وأنا في الشارع والناس ساعتها اتلمت وأنا أغمى عليه وبعدين الناس فوقوني ولما فوقت لاقيت نفسي في بيت أبوبا.
وأكملت: افتكرت اللي حصل وفضلت أصوت تاني وبعدين سمعت من الناس إن محمد مات والإسعاف خدته وبعدين المباحث جت وسألوني عن اللي حصل فأنا اتلخبطت في الكلام فهما شكوا فيا وخدوني معاهم على المركز وهناك اعترفت بكل حاجة وحكيت لهم على كل اللي حصل زي ما قولت دلوقتي.
