رضا البحراوي لمنتقديه: سيبوا الملك للمالك وخليكوا في حالكوا
وجه المطرب الشعبي رضا البحراوي، رسالة لمنتقديه والأشخاص الذين يتمنوا أذيته في حياته، مؤكدًا أنه بذل مجهودا كبيرا في مشواره الفني.
وكتب رضا البحراوي، منشورًا عبر حسابه الشخصي بموقع تبادل الصور والفيديوهات القصيرة إنستجرام، حيث قال: أول حاجة ربنا كبير أوى.. تاني حاجة أوجه الشكر لكل جمهوري اللي وقف معايا في كل النجاح.
وتابع رضا البحراوي: يا رب ابعد عني الناس المريضة والناس الصفرا اللي مش بيحبوا الخير ليا، سبوني بقى في حالي عشان أنا والله والله تعبت في الشغلانة دى أوى خليكوا في حالكوا وسيبوا الملك للمالك وشيل عينك عني.
رضا البحراوي وعلاقته بمحمد عادل إمام
وكان تحدث رضا البحراوي مؤخرًا عن علاقته بالفنان محمد عادل إمام، مؤكدًا أنه صاحب فضل عليه على حد قوله، وذلك بعدما كان اتفق مع نجم كبير على الغناء في أحد المسلسلات، ولكن هناك من تعاقد على الأغنية بدلًا من البحراوي، الأمر الذي أثار استيائه.
وقال رضا البحراوي، خلال لقائه مع الفنانة إسعاد يونس في برنامجها صاحبة السعادة المذاع عبر شاشة قناة DMC: ممكن أكون مخلص الغنوة وفرحان وحد تاني يجي يعرض فلوس وياخدها، حصلتلي مرتين ومنهم مسلسل ناجح أوي، وكنت اتفقت مع النجم الكبير اللي كان في العمل وبعدين وأنا في الطريق كلمني وقالي بلح، قولتله حسبي الله ونعم الوكيل ولفيت ورجعت، وقعدت بعدها سنة مفيش شغل.
